Փաշինյանի իրականացրած հայելային գաղափարի առաջին վատ պտուղները ցավոք դրսևորվել են Արցախում․ Տիգրան Աբրահամյան

«Արցախում վերջին օրերին ադրբեջանցիների կողմից իրականացված ագրեսիայի հետևանքով Փառուխ գյուղը, Քառագլուխ լեռնաշղթան օկուպացվել է և բավականին ծանր իրադրություն են ստեղծել Արցախի կենսունակության համար։ Նիկոլ Փաշինյանի իրականացրած հայելային գաղափարի առաջին վատ պտուղները ցավոք դրսևորվել են Արցախում և սրա հետևանքով մեր հայրենակիցներն անվտանգային ծանր վիճակի մեջ են։ Փաստացի վտանգի տակ է Սոթք-Խոզնավար հատվածը , ասել է թե՝ Գեղարքունիքը, Վայոց ձորը , Սյունիքը, ինչպես նաև Արարատի մարզի Երասխ բնակավայրը, որի վերաբերյալ Փաշինյանը ներկայացրել է հայելային հետքաշման գաղափարը»,-այս մասին հրավիրված հանրահավաքի ժամանակ հայտարարեց Տիգրան Աբրահամյանը։

Նրա խոսքով հայելային հետքաշման գաղափարը՝ տարածքները խաղաղ ձևով հանձնելն է ։ «Մեզ ուզում են համոզել , որ հայը պայքարելու հնարավորություն չունի, սրանք խոսում են այն ժողովրդի մասին, որը ցեղասպանություն վերապրելուց հետո պետականություն են ստեղծել։ Արցախցու տեսակը կոտրվել չունի, արցախցին ունի կամք, ցանկություն՝ հասնելու իր նպատակին»,-ասաց Տիգրան Աբրահամյանը՝ խոսքն ուղղելով Արցախի սահմանները հսկող զիրնվորներին, աշխարհազորայիններին՝ «Տղե՛րք մենք ձեր կողքին ենք» ։

Հիշեցնենք, որ Ազատության հրապարակում հրավիրվել է հանրահավաք՝ կուսակցություններին և անհատներին, մտավորականությանը և հասարակական կազմակերպություններին, հայաստանցիներին, արցախահայությանը և Սփուռքին ուղղված կոչով և հատարարությամբ՝ պաշտպանելով Արցախը՝ պաշտպանենք Հայաստանը։

Մանրամասն՝ տեսանյութում: