Նիկոլ Փաշինյանի «Խաղաղության պայմանագիրն» իրականում խաղաղություն չի բերելու», այն հերթական «ղազագիրն է», հերթական կապիտուլյացիան. Վահե Հակոբյան
Նիկոլ Փաշինյանը «կյանքեր փրկելու» պատճառաբանությամբ կստորագրի խաղաղության պայմանագիրը, բայց այս տեսքով խաղաղության պայմանագիր ստորագրելը նշանակում է «ղազագիր» և հերթական կապիտուլյացիա: «Փաստինֆո»-ի հետ զրույցում հայտարարեց «Հայաստան» խմբվակցության պատգամավոր Վահե Հակոբյանը:
Հիշեցնենք, որ երեկ Հայաստանի ԱԽ-ն հայտարարություն էր տարածել Արցախում ստեղծված իրավիճակի հետ կապված, և Ադրբեջանին առաջարկել էր անհապաղ բանակցություններ սկսել խաղաղության պայմանագրի շուրջ:Այսօր էլ Ադրբեջանի ԱԳՆ-ն արձագանքել է ՀՀ ԱԽ-ի առաջարկին և հայտարարել՝ « Եթե հայկական կողմը խաղաղության պայմանագրի հարցը համարում է լուրջ քայլ, ապա ժամանակն է անցնել կոնկրետ քայլերի»:
Մեզ հետ զրույցում Վահե Հակոբյանը շեշտեց՝պետք է նախ հասկանանք՝ ինչ է դրվում այդ խաղաղության պայմանագրի հիմքում.
«Եթե դրանք այն հինգ կետերն են , որոնք Ադրբեջանն առաջարկում է, սա նշանակում է, որ մենք Արցախը կորցնում ենք, մենք ընդհանարապես զրկվում ենք ապագայում Արցախի հարցը որևէ միջազգային հարթակում բարձրացնելու հնարավորությունից, բացի սրանից՝ այստեղ տողատակով անցնում է նաև Զանգեզուրի միջանցքի հարցը: Սա ուրիշ բառ, քան «ղազագիր» իր մեջ չի պարունակում: Մենք պետք է հասկանանք՝ մեր կառավարությունը պատրա՞ստ է գնալ սրան ընդառաջ »,-ասաց զրուցակիցը:
Ընդդիմադիր պատգամավորը նաև վստահեցրեց, որ խաղաղության պայմանագիրը մեզ լիարժեք խաղաղություն չի բերելու, քանի որ որևէ փաստաթղթի կնքումը երաշխիք չէ, որ Ադրբեջանն այլևս սադրանքների չի դիմի.
«Դեռ պետք է հասկանանք՝ խաղաղության երաշխավորներն ովքե՞ր են, եթե Թուրքիան և Ադրբեջանն են, իհարկե, որևէ երաշխիք չկա: Նիկոլ Փաշինյանը հիմա այնքան վախեցել է, որ ադրբեջանցիները կրկին էսկալացիայի են դիմում, պատրաստ է ցանկացած բան ստորագրել, արդեն մեր ազգը պետք է որոշի՝ պատրաստ է դրան, թե՝ ոչ, թե Նիկոլի վախերը չի կարողանում կառավարել ժողովուրդը: Ես, օրինակ, տեսնում եմ, որ հայ հասարակությունը պատրաստ չէ լավացնել Թուրքիայի և Ադրբեջանի հետ հարաբերությունները, որքան էլ մեր երկրի ղեկավարները հայտարարեն, թե պատրաստ են դրան»,-ասաց Հակոբյանը:
Զրուցակիցը չբացառեց, որ Արցախում վերջին օրերին իրավիճակը լարվել է միտումնավոր, որպեսզի հայ հասարակությունը նոր պատերազմը կանխելու համար չընդդիմանա ստորագրվելիք այսպես կոչված «խաղաղության պայմանագրին».
«Նիկոլ Փաշինյանը հիմա հեթական իր երգն է երգում «ես փրկում եմ կյանքեր», ինքը փրկում էր կյանքեր ու ստորագրեց նոյեմբերի 9-ի փաստաթուղթը, նույն հաջողությամբ «կփրկի կյանքեր» ու կստորագրի խաղաղության պայմանագիրը, բայց այս տեսքով խաղաղության պայմանագիր ստորագրելը նշանակում է «ղազագիր», հերթական կապիտուլյացիան է ստորագրում »,-ասաց ընդդիմադիր պատգամավորը և հավելեց. « Մենք համարում ենք, որ Թուրքիայի և Ադրբեջանի հետ հարաբերությունները կարգավորելն անհրաժեշտություն է, բայց դա չպետք է լինի Հայաստանի ինքնասիրության, հետաքրքրությունների և ազգային շահի հաշվին»,-եզրափակեց Վահե Հակոբյանը:
Աշխարհի ամենահայտնի Խորհրդարանական ծեծկռտուքները (ֆոտոշարք)
Գլխավոր դատախազ Աննա Վարդապետյանի հոդվածը հրապարակվել է Դատախազների միջազգային ասոցիացիայի մասնագիտա...
Հայաստանի ըմբշամարտի հավաքականը նվաճեց առաջին մեդալը
Եթե օրենքի ընդունումը թույլ տա փրկել ընտանեկան բռնության թեկուզ մեկ զոհի կյանք, ուրեմն միանշանակ պետ...
Նիդերլանդները հրաժարվել է մասնակցել «Եվրատեսիլ 2027»-ին
Ռոբոտը զբոսայգում երգել է երեխաների համար, պարել այցելուների հետ և լուսանկարվել
ՔԿ նախագահը ԱՄՆ-ում մասնակցել է Ոստիկանության պետերի միջազգային ասոցիացիայի համաժողովին
Բրազիլիայի նախագահի թեկնածուն լքել է երկիրը ընտրություններում պարտվելուց հետո
Նիդերլանդների Թագավորության արտաքին գործերի նախարարն այցելել է Moon Rose ջերմոցային տնտեսություն
Դատարանի շենքից փախուստի դիմած կալանավորը հայտնաբերվել և ձերբակալվել է. ՆԳՆ