«Քննիչ հանձնաժողովի ստեղծմամբ փորձելու են մեղավորներ նշանակել, կեղծիքի մեծ դոզաներ են նետվելու հանրային դաշտ»
«Փաստ» օրաթերթը գրում է. «Նախօրեին իշխանությունները 44-օրյա պատերազմի հարցերով քննիչ հանձնաժողով են ստեղծել։ Երեկ հայտնի դարձավ, որ ընդդիմադիր «Հայաստան» և «Պատիվ ունեմ» խմբակցությունները հրաժարվում են մասնակցել այդ հանձնաժողովի աշխատանքներին: Ընդդիմությունը մասնավորաբար նշել է, որ «քննիչ հանձնաժողովն իշխանությունների «անմեղության» բեմադրությանն է լծված լինելու»։
Միևնույն ժամանակ հայտարարության մեջ նշվում է, որ 44-օրյա աղետալի պատերազմի արդյունքների մեղավորների բացահայտումը մնում է «Հայաստան» եւ «Պատիվ ունեմ» խմբակցությունների գլխավոր առաջնահերթություններից մեկը: Իսկ ի՞նչ կարծիք ունեն անկախ փորձագետները:
«Փաստ» թերթի հետ զրույցում ռազմական փորձագետ Դավիթ Ջամալյանը նշեց, որ իշխանությունների կողմից նման հանձնաժողով ստեղծելու նպատակը մեկն է: «Այդ հանձնաժողովի ստեղծումը իրենցից մեղքը հանելու և մեղքն ուրիշի վրա բարդելու նպատակ ունի: Այսինքն, իրենք փորձելու են մեղավորներ նշանակել՝ ի դեմս բանակի, ի դեմս Արցախի ղեկավարության, նաև պետականակենտրոն ուժերի, նախորդ իշխանությունների և Ռուսաստանի: Այդ հանձնաժողովի ստեղծման նպատակն ընդամենը Նիկոլ Փաշինյանին արդարացնելն է լինելու, ինչպես նաև ինչ-որ կեղծիքի, մանիպուլ յացիաների շատ մեծ դոզաներ են նետվելու հանրային դաշտ. «Մենք ամեն ինչ արել ենք, բայց չենք կարողացել, պատճառն այն է, որ….»:
Եվ հենց այս հատվածից սկսած արդեն մեղավորների ցանկը գնալու է: Այդ հանձնաժողովը, մեծ հաշվով, ստեղծվում է սեփական կերպարը մաքրելու նպատակով»,- ասաց Ջամալյանը»:
Մանրամասները՝ թերթի այսօրվա համարում
Ալյասկայում Ուկրաինայի վերաբերյալ համաձայնություն չի եղել. Ռուբիո
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
ՀՀ վարչապետ Նիկոլ Փաշինյանի ճեպազրույցը ուղիղ
Վրաստանը կշարունակի իր պրագմատիկ քաղաքականությունը Ռուսաստանի հետ
Նպատակը՝ տրանսֆերային արժեքը հնարավորինս նվազեցնելն է
Փարիզում քննարկվել են Հայաստանի և ՅՈՒՆԵՍԿՕ-ի մշակութային համագործակցության հեռանկարները
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
Կուսակիցները փակ հանդիպմանը կոշտ քննադատության են ենթարկել Թրամփին