«Որևէ մեկն այդ ամենը չի հերքում». Արման Սարգսյանը՝ Վաղարշակ Հարությունյանի ստորագրած փաստաթղթի մասին
Այսօր ԱԺ պաշտպանության և անվտանգության հանձնաժողովի նիստի ժամանակ «Հայաստան» խմբակցության պատգամավոր Գեղամ Մանուկյանը հերթական անգամ հայտարարեց, որ 2020 թվականի դեկտեմբերի 18-ին Սյունիքի և Գեղարքունիքի մարզերում հայ զինվորներն իրենց զբաղեցրած դիրքերից Նիկոլ Փաշինյանի որոշմամբ հետ են քաշվել ոչ թե բանավոր, այլ գրավոր փաստաթղթի հիման վրա, որը ստորագրել է Պաշտպանության նախկին նախարար Վաղարշակ Հարությունյանը։
Արդեն նիստի ավարտից հետո խորհրդարանում լրագրողները Պաշտպանության փոխնախարար Արման Սարգսյանից հետաքրքրվեցին, թե ի՞նչ փաստաթղթի մասին է խոսքը։
«Այս մասին պարոն Մանուկյանն արդեն որերորդ անգամ խոսում է։ Որևէ մեկն այդ ամենը չի հերքում, պարոն Մանուկյանն էլ հստակ ասաց»,- նշեց Արման Սարգսյանը։
Ապա հարց հնչեց Ղազախստան հայկական զորախումբ ուղարկելու և նրանց վերադարձի ժամկետների մասին: Արման Սարգսյանը տեղեկացրեց, որ չգիտի, թե զորախումբը երբ կվերադառնա, սակայն ասվել է, որ սահմանափակ ժամկետով են նրանք գնում։
Ինչ վերաբերում է զորախումբ ուղարկելու մասին կայացրած որոշման քննադատություններին, Արման Սարգսյանը պարզաբանեց, որ եթե այդ քննադատություններին հետևեն, ուրեմն ըստ դրանց՝ ամեն ինչ շատ վատ է։
«Ամեն վատի մեջ էլ լավը պետք է տեսնել, քննադատությունը պետք է լինի օբյեկտիվ, ինչից իշխանությունը դասեր կքաղի»,- հավելեց նա։
Լրագրողների հարցին, թե ՊՆ-ում Սուրեն Պապիկյանի ղեկավարության օրոք սկսված կադրային ջարդ է տեղի ունենում, ինչի մասին մամուլը բազմիցս գրել է, Արման Սարգսյանը կարճ հակադարձեց, որ Սուրեն Պապիկյանը կադրային որևէ ջարդ չի սկսել։
Ալյասկայում Ուկրաինայի վերաբերյալ համաձայնություն չի եղել. Ռուբիո
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Նպատակը՝ տրանսֆերային արժեքը հնարավորինս նվազեցնելն է
Վրաստանը կշարունակի իր պրագմատիկ քաղաքականությունը Ռուսաստանի հետ
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
Լավ տղան ընտրակաշառք չի վերցնի․ Գեղամ Նազարյան
ԱԱ-2026-ի փլեյ-օֆֆի նախնական ցանցն ունի հետևյալ տեսքը
Մենդելեևի աղյուսակ ու հաշվիչներ. ապագա բժիշկները քննություն են հանձնում քիմիա առարկայից