Վարդան Ղուկասյանի դստեր փեսացուի սպանությունից 9 տարի անց սպանվել է վերջինիս մայրը

Գյումրիում սպանություն է տեղի ունեցել։ ՀՀ ոստիկանությունից «Փաստինֆո»-ի հետ զրույցում հայտնեցին, որ 13։50-ին շտապօգնությունից ահազանգ է ստացվել, որ Բագրատունյաց օղակում գտնվող խանութներից մեկի մոտ մահացած մարդ կա, կին է։

Այս պահին դեպքի վայրում օպերատիվ-քննչական խումբն աշխատանքներ է իրականացնում, քննություն է կատարվում, դեպքի հանգամանքները պարզվում են։

Նշենք, որ սպանվածը 63-ամյա Անահիտ Իսկանդարյանն է։ Վերջինս Գյումրու նախկին քաղաքապետ Վարդան Ղուկասյանի դստեր փեսացուի՝ 2012թ ապրիլի 12-ին սպանված Կարեն Եսայանի մայրն է։