Պետական կառույցներն սկսել են նաև գրավոր հարցերին չպատասխանել
«Փաստ» թերթը գրում է. «Գործող իշխանությունները հաճախ են դժգոհում լրատվամիջոցներից, նույնիսկ օրենսդրական «գլուխգործոցներ» են երկնում՝ իբր դաշտը կարգավորելու, իսկ իրականում ԶԼՄ-ների աշխատանքը էլ ավելի խոչընդոտելու նպատակով: Սակայն մյուս կողմից՝ պետական որոշ կառույցներ ամեն ինչ անում են խոչընդոտելու տեղեկության ստացման ԶԼՄ-ների իրավունքները: Նախ՝ տևական ժամանակ է՝ գրեթե ոչ մի պետական կառույց չի պատասխանում բանավոր որևէ հարցման, նույնիսկ եթե դա օպերատիվ արձագանք է ենթադրում, կամ եթե ակնկալվում է միայն հաստատում կամ հերքում: Միակ պատասխանը հետևյալն է. «Գրավոր հարցում ուղարկեք»:
Իսկ երբ նյութը հայտնվում է թերթում, «նեղվում» են, թե ինչու լրատվամիջոցը չի ճշտել: Այս առումով «առաջամարտիկ» կարելի է համարել ՊՆ-ն: Այն, որ մեր պաշտպանության նախարարությունից որևէ տեղեկություն ստանալը բարդ, հաճախ անհնար մի բան է, վաղուց ենք համոզվել: Բացի այն, որ մինչ մի հարցի հետ կապված պաշտոնական տեղեկություն են տարածում, ինֆորմացիոն ողջ դաշտը ողողվում է տարատեսակ տեղեկություններով, ՊՆ-ից առանձին որևէ պարզաբանում ստանալն էլ վերածվում է իսկական քաշքշուկի:
Մասնավորաբար, «Փաստ» թերթը նոյեմբերի 11-ին գրավոր հարցում է ուղարկել պաշտպանության նախարարություն՝ օրենսդրության համաձայն ակնկալելով պատասխան 5 աշխատանքային օրվա ընթացքում: Սակայն մոտ մեկ ամիս անց անգամ պատասխան չկա: Իսկ երբ ցանկանում ենք ճշտել, թե ինչու չեն պատասխանել, մեր հեռախոսազանգերը պարզապես մնում են անպատասխան: Մինչ վերջերս չափազանց օպերատիվ էր աշխատում վարչապետի աշխատակազմը, գոնե մեր պարագայում որևէ հարցում անպատասխան չէր մնացել: Սակայն վերջին հարցմանն այդպես էլ չպատասխանեցին: Նախ՝ ասացին, թե չեն ստացել, հետո, երբ նորից ուղարկեցինք հարցումը, որևէ արձագանք չստացանք»։
Մանրամասները՝ թերթի այսօրվա համարում
Ալյասկայում Ուկրաինայի վերաբերյալ համաձայնություն չի եղել. Ռուբիո
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Նպատակը՝ տրանսֆերային արժեքը հնարավորինս նվազեցնելն է
Վրաստանը կշարունակի իր պրագմատիկ քաղաքականությունը Ռուսաստանի հետ
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
Մենդելեևի աղյուսակ ու հաշվիչներ. ապագա բժիշկները քննություն են հանձնում քիմիա առարկայից
Լավ տղան ընտրակաշառք չի վերցնի․ Գեղամ Նազարյան
ԱԱ-2026-ի փլեյ-օֆֆի նախնական ցանցն ունի հետևյալ տեսքը