Ընդդիմադիր «Հայաստան» դաշինքի ներկայացրած ԱԺ հայտարարության նախագիծը քննարկվում է դռնփակ
Դեկտեմբերի 6-ին արտաքին հարաբերությունների մշտական խորհրդարանական հանձնաժողովը սկսեց ընդդիմադիր «Հայաստան» դաշինքի ներկայացրած ԱԺ հայտարարության նախագծի քննարկումը՝ Ադրբեջանի հետ սահմանի սահմանազատման եւ սահմանագծման հարցի վերաբերյալ։
Ընդդիմադիր «Հայաստան» դաշինքի պատգամավոր Արմեն Ռուստամյանը, մասնավորապես, հիշեցրեց, որ խորհրդարանական ընդդիմությունն այս հարցով ավելի վաղ հանրային լսումներ էր նախաձեռնել։ Նախագիծը, նրա խոսքով, դրական գնահատականներ է ստացել մասնակիցների կողմից։ Լսումներին մասնակցում էին արտախորհրդարանական քաղաքական ուժեր, հասարակական գործիչներ, տարբեր հասարակական կազմակերպությունների ներկայացուցիչներ։ Լսումների եւ քննարկման թեմայի մասին իշխող ուժը ժամանակին տեղեկացվել է, սակայն չի մասնակցել քննարկումներին։
Հանձնաժողովի ղեկավար, իշխող «Քաղաքացիական պայմանագիր» կուսակցության պատգամավոր Էդուարդ Աղաջանյանն իր հերթին առաջարկեց քննարկումներն անցկացնել փակ դռների հետեւում, ինչն առաջացրեց ընդդիմության դժգոհությունը։ Ըստ նրա՝ ներկայացված հայտարարության նախագիծն իր բովանդակությամբ ներքաղաքական է, ուղղակի եւ անուղղակի անհիմն մեղադրանքներ է պարունակում գործող իշխանության հասցեին եւ, ըստ էության, ընդդիմության ներքաղաքական բառապաշարի արտացոլումն է։
«Վերոնշյալը բավական է, որպեսզի իշխող «Քաղաքացիական պայմանագիր» կուսակցության հանձնաժողովի անդամները դեմ քվեարկեն այս փաստաթղթին։ Այնուամենայնիվ, հաշվի առնելով հայտարարության նախագծում պարունակվող զգայուն հարցերը, որոնց հրապարակային քննարկումը կարող է բացասաբար անդրադառնալ բանակցային գործընթացի վրա, ինչպես նաեւ ազգային անվտանգության հետ կապված խնդիրներ առաջացնել, առաջարկում եմ այն քննարկել փակ դռների հետեւում»,- ասաց նա։
Իսկ Ռուստամյանը նշեց, որ իր արած հայտարարությունից հետո փակ ձեւաչափով քննարկումներ անցկացնելու մեջ իմաստ չի տեսնում։ «Մենք լրացրել ենք հայտարարության նախագիծը եւ բոլոր իրավունքներն ունենք քննարկումներն անցկացնել բաց ռեժիմով: Առանց նույնիսկ տեքստը կարդալու նման հայտարարություններ անելը տեղին չէ։ Նման իրավիճակում էլ ավելի անտեղի է նիստն անցկացնել փակ դռների հետեւում»,- ընդգծեց ընդդիմադիրը։ Նա նաեւ հավելեց, որ հայտարարության նախագիծը պետական գաղտնիք չի պարունակում։ Ուստի ընդդիմությունը կտրականապես դեմ է արտահայտվել փակ քննարկումներին։
Նրան առարկեց իշխող կուսակցությունից մեկ այլ պատգամավոր՝ Մարիա Կարապետյանը: Նրա կարծիքով` բաց քննարկումը կարող է անդառնալի վնաս հասցնել հայկական կողմին, հատկապես` առաջիկա բանակցային գործընթացների ժամանակ։
Բավականին բուռն քննարկումներից հետո որոշվեց քննարկումն անցկացնել դռնփակ։
Դաշտ են դուրս գալիս ձեւիստները
Հայաստանի քաղաքացիները հայտնվել են ռուսական անձնագիր ստացողների թոփ-5-ում
Ում դրոշը պետք է երեւա սահմանի այն կողմում
Քաղաքապետարանի ավտոբուսների մասնակցությամբ ամեն 2-րդ վթարի մեղավորը ավտոբուսի վարորդներն են
Երևան-Մոսկվա չվերթի ինքնաթիռում ոչ ադեկվատ վիճակում գտնվող ուղևորը ձերբակալվել է
61 միլիոն եվրո․ Մբապեն դատարանում հաղթել է ՊՍԺ–ին
Քիմ Քարդաշյանին ծաղրել են SKIMS-ի գովազդում չափից դուրս նիհար Սանտա Կլաուսի պատճառով
Լուկաշենկոն խոսել է նախագահի պաշտոնից հեռանալու մասին
ՍԱՏՄ-ն անհայտ ծագման միս է առգրավել ու ուղարկել ոչնչացման (տեսանյութ)
Հոգեբուժական փորձաքննությունը հաստատել է, որ Լարիսա Դոլինան վաճառել է բնակարանը հոգեկան անառողջ վիճա...