Մայր Աթոռը մնում է իր դիրքորոշմանը․ Տեր Եսայի քահանա Արթենյանը՝ հունվարի 5-ը եւ 7-ը աշխատանքային օր դարձնելու մասին
Մայր Աթոռ Սուրբ Էջմիածինը մնում է իր դիրքորոշմանը։ Այս մասին NEWS.am-ի հետ զրույցում ասաց Մայր Աթոռի տեղեկատվական համակարգի տնօրեն Տեր Եսայի քահանա Արթենյանը՝ անդրադառնալով հունվարի 5-ը եւ հունվարի 7-ը աշխատանքային օր դարձնելու նախագծին, որն ԱԺ–ն առաջին ընթերցմամբ ընդունել է։
«Վաղը Մայր Աթոռը հանդես կգա հայտարարությամբ»,- նշեց նա։
Հիշեցնենք, որ այսօր Ազգային ժողովի Պետաիրավական հարցերի մշտական հանձնաժողովը երկրորդ ընթերցմամբ հավանություն տվեց կառավարության ներկայացրած «ՀՀ տոների եւ հիշատակի օրերի մասին» Հայաստանի Հանրապետության օրենքում փոփոխություններ կատարելու մասին օրենքի նախագծին: Նախագծով առաջարկվում է ամանորյա տոների ոչ աշխատանքային օրերը կրճատել եւ ոչ աշխատանքային թողնել միայն դեկտեմբերի 31-ը, հունվարի 1-ը եւ հունվարի 6-ը։ Այսօր հանձնաժողովում Էկոնոմիկայի նախարար Վահան Քերոբյանն առաջարկել է ոչ աշխատանքային թողնել նաեւ հունվարի 2–ը։
Ավելի վաղ Մայր Աթոռը դիմել էր Ազգային ժողովի խմբակցություններին՝ առաջարկելով հունվարի 5-ը՝ որպես Սուրբ Ծննդյան Ճրագալույցի տոնական օր եւ հունվարի 7-ը՝ որպես մեռելոց հիշատակի օր նույնպես համարել ոչ աշխատանքային օրեր։
Հավելենք, որ գործող օրենսդրությամբ ոչ աշխատանքային են դեկտեմբերի 31-ից հունվարի 7-ը ներառյալ:
Ալյասկայում Ուկրաինայի վերաբերյալ համաձայնություն չի եղել. Ռուբիո
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Նպատակը՝ տրանսֆերային արժեքը հնարավորինս նվազեցնելն է
Վրաստանը կշարունակի իր պրագմատիկ քաղաքականությունը Ռուսաստանի հետ
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
ԱԱ-2026-ի փլեյ-օֆֆի նախնական ցանցն ունի հետևյալ տեսքը
Մենդելեևի աղյուսակ ու հաշվիչներ. ապագա բժիշկները քննություն են հանձնում քիմիա առարկայից
Լավ տղան ընտրակաշառք չի վերցնի․ Գեղամ Նազարյան