Առուշ Առուշանյանը մի քանի օրից լինելու է ազատության մեջ․ Բոլոր քրգործերը շինծու են․ Մենուա Հովսեփյան
Բացառվում է, որ իշխանությունն ինչ-որ փոփոխություններով կարողանա հասնել իր դավադիր նպատակներին։ Այս մասին NEWS.am-ի հետ զրույցում ասաց Գորիսի փոխքաղաքապետ Մենուա Հովսեփյանը՝ անդրադառնալով «Քաղաքացիական պայմանագիր» խմբակցության՝ «Տեղական ինքնակառավարման մասին» օրենքում փոփոխության առաջարկին, ըստ որի, համայնքի ղեկավարի կողմից պարտականությունների կատարումը 1 ամիս անհնար լինելու դեպքում պաշտոնակատար կարող է նշանակվել ղեկավարի տեղակալը, իսկ պաշտոնը թափուր լինելու պարագայում մարզպետը նշանակում է համայնքի ղեկավարի պաշտոնակատար։
«Ես դեռ մանրամասն ծանոթ չեմ առաջարկվող փոփոխություններին, բայց եթե ինչ-որ բան հենց հիմա հապճեպ կերպով անում են, միանշանակ, ինչ-որ բանի հետ կապ ունի։ Բայց, միևնույնն է, դա էլ իրենց օգուտ չի տալու։ Բացառվում է, որ իրենք կարողանան հասնել իրենց դավադիր նպատակներին։ Նման փոփոխությունները ոչ միայն Առուշ Առուշանյանին այլ նաև այն բոլոր մարդկանց հետապնդելու համար են, որոնք ճիշտն են ասում»,- նշեց նա։
Մենուա Հովսեփյանը վստահություն հայտնեց, որ շուտով Գորիսի քաղաքապետը հայտնվելու է ազատության մեջ։
«Առուշ Առուշանյանը մի քանի օրից լինելու է ազատության մեջ։ Բոլոր քրեական գործերը շինծու են, հարուցված են կեղծ քրեական գործեր, որոնք երկար կյանք չունեն։ «Առուշ Առուշանյան» դաշինքը հաղթել է մեծամասնությամբ, դաշինքի առաջին համարը եղել է Առուշանյանը, այսինքն՝ գորիսեցիները հենց նրան են ցանկանում տեսնել քաղաքապետի պաշտոնում։ Մենք վստահ ենք, որ Առուշանյանը դուրս է գալու անազատությունից, դրա համար էլ քննարկումներ, թե ով կարող է փոխարինել նրան մեր թիմում չունենք։ Այս պահին քաղաքապետի պարտականությունները կատարում է Կարեն Քոչարյանը, իսկ ես համայնքի տեղակալն եմ»,- հավելեց Մենուա Հովսեփյանը։
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Լավ տղան ընտրակաշառք չի վերցնի․ Գեղամ Նազարյան
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Անտարկտիդայում հայտնաբերված առաջին դինոզավրի ոսկորը գտել են դարակում
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Երևանում մի քանի փողոցներում կփոխվի երթևեկության կազմակերպումը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...