ՊՆ-ն Սյունիքում իրանական ռազմաբազայի տեղակայման վերաբերյալ տեղեկատվության չի տիրապետում
ՀՀ պաշտպանության նախարարությունը Սյունիքում իրանական ռազմաբազայի տեղակայման վերաբերյալ տեղեկատվության չի տիրապետում։ Այդ մասին «Հետք»-ի հարցմանն ի պատասխան հայտարարել է ՀՀ պաշտպանական գերատեսչությունը՝ նշելով, որ Հայաստանի Հանրապետության տարածքում օտարերկրյա զինված ուժերի ստորաբաժանումներ կարող են տեղակայվել միջազգային պայմանագրերի հիման վրա։
Ռուսալեզու կայքերից մեկը հոկտեմբերի 3-ին գրել էր, որ Թեհրանն ու Երևանը համաձայնության են եկել Հայաստանի տարածքում իրանական ստորաբաժանումների տեղակայման շուրջ, ինչը պայմանավորված է Սյունիքի մարզի ուղղությամբ Ադրբեջանի հնարավոր հարձակման և իրանա-ադրբեջանական հարաբերությունների սրման հետ։ Կայքը նշում էր, որ իրանական ռազմաբազան նախատեսվում է տեղակայել Սյունիքում՝ դառնալով իրանական երկրորդ օտարերկրյա ռազմաբազան, Սիրիայում տեղակայված իրանական ռազմաբազայից հետո։
Պաշտպանության նախարարությունից հետաքրքրվել էինք՝ արդյոք այս տեղեկատվությունը համապատասխանում է իրականությանը, և եթե այո, ապա որ հատվածում է տեղակայվելու այդ ռազմաբազան, ինչ ժամկետներով և ինչ փաստաթղթերի հիման վրա։
«Ներկայումս Հայաստանի Հանրապետությունը նման պայմանագիր ունի Ռուսաստանի Դաշնության հետ, այն է՝ «Հայաստանի Հանրապետության և Ռուսաստանի Դաշնության միջև Հայաստանի Հանրապետության տարածքում ռուսաստանյան ռազմակայանի մասին» պայմանագիրը»,- նշվում է հարցման պատասխանի մեջ, որը ստորագրված է Պաշտպանության նախարարության գլխավոր քարտուղար Արթուր Սարգսյանի անունով։
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Լավ տղան ընտրակաշառք չի վերցնի․ Գեղամ Նազարյան
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Անտարկտիդայում հայտնաբերված առաջին դինոզավրի ոսկորը գտել են դարակում
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Երևանում մի քանի փողոցներում կփոխվի երթևեկության կազմակերպումը