Աղվան Հովսեփյանը կհոսպիտալացվի
Նախկին գլխավոր դատախազ և Քննչական կոմիտեի նախկին նախագահ Աղվան Հովսեփյանը մոտ մեկ ամիս է, ինչ կալանքի տակ է։ Այսօր էլ Վերաքննիչ քրեական դատարանը մերժեց պաշտպանական կողմի բողոքը՝ կալանավորման որոշման դեմ, անփոփոխ թողնելով առաջին ատյանի որոշումը։
Հովսեփյանի մոտ առողջական խնդիրները շարունակում են գլուխ բարձրանալ։ Նրա պաշտպան Սասուն Ռաֆաելյանը «Հրապարակ»-ին փոխանցեց, որ դիմել են համապատասխան մարմիններին՝ Հովսեփյանին քաղաքացիական հիվանդանոց տեղափոխելու վերաբերյալ․ «Մենք դիմում էինք ներկայացրել, որպեսզի Աղվան Հովսեփյանը հետազոտության ենթարկվեր քաղաքացիական հիվանդանոցում, մեր դիմումը բավարարվել է, եւ մոտ օրես պարոն Հովսեփյանը «Էրեբունի» բժշկական կենտրոնում կենթարկվի հետազոտության՝ հետագա քայլերը իրականացնելու համար»։
Պաշտպանը չբացառեց, որ հնարավոր է վիրահատության ենթարկվի նախկին պաշտոնյան․ «Հնարավոր է՝ վիրահատեն ականջները, խնդիրը կապված է ականջների հետ»։
Հիշեցնենք, որ պաշտոնական հաղորդագրության համաձայն՝ Ա. Հովսեփյանին մեղադրանք է առաջադրվել հանցավոր ճանապարհով ստացված առանձնապես խոշոր չափերով` ընդհանուր 1.299.404.414 ՀՀ դրամ գույքը (փողերի լվացում) օրինականացնելու համար՝ մի քանի դրվագներով:
Ըստ հաղորդագրության՝ փաստացի մասնակցել է ձեռնարկատիրական գործունեություն իրականացնող մի շարք ՍՊ ընկերությունների կառավարմանը, բացի այդ, ստացել է առանձնապես խոշոր չափերով` 190.000.000 ՀՀ դրամ կաշառք եւ խարդախության եղանակով կատարել առանձնապես խոշոր չափերով` 800.000.000 ՀՀ դրամ գույքի հափշտակություն:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...
Երևանում մի քանի փողոցներում կփոխվի երթևեկության կազմակերպումը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար