Մինչև հոկտեմբերի 1-ը թեստավորված աշխատողները կարող են դիմել իրենց գործատուներին փոխհատուցման համար. Ռոբերտ Հայրապետյան
Առողջապահության նախարարությունը միտումնավոր չի պարզաբանել, որ թեստավորման պատասխանը ներկայացնելու պարտավորությունն իրենց համար ոչ թե հոկտեմբերի 1-ից է, այլ 15-ից։ Այս մասին NEWS.am-ի հետ զրույցում ասաց իրավաբան Ռոբերտ Հայրապետյանը։
«Եթե մենք այս հարցով աղմուկ չբարձրացնեինք, ապա կարծում եմ՝ այսպես էլ կշարունակվեր, որովհետև մի շարք կազմակերպություններում քաղաքացիներն արդեն թեստավորվել էին։ Աշխատողները պետք է համապատասխան դիմում ներկայացնեն իրենց գործատուներին և պահանջեն, որ ամսի 15-ին վճարվելիք թեստի գումարը վճարի նա, որովհետև ըստ էության գործատուի մեղքով քաղաքացին իր վրա կրել է հավելյալ պատասխանատվություն։ Գործատուն էլ իր հերթին կարող է նույնաբովանդակ դիմում ներկայացնել առողջապահության նախարարության՝ պահանջելով դոտացիա։ Եթե մերժվի աշխատողի դիմումը, և եթե ինչ-որ աշխատող սեփական իրավունքների պաշտպանության համար պատրաստակամություն հայտնի թեստավորման համար հայց ներկայացնել գործատուի դեմ, կարծում եմ՝ այդ հայցադիմումը 90 և ավել % շանս ունի»,- նշեց նա։
«Հայաստան» դաշինքը օգոստոսի 24-ին դիմում է ներկայացրել Սահմանադրական դատարան՝ վիճարկելով նախարարի հրամանը։ Դաշինքը ներկայացրել է նաև միջնորդություն հրամանի կատարումը կասեցնելու վերաբերյալ մինչև քննության ավարտը։
«Կարծում եմ՝ մոտ օրերս դատարանը միջնորդության վերաբերյալ որոշում կկայացնի, և արդյունքում կսպասենք Սահմանադրական դատարանի վերջնական որոշմանը։ Վարույթ ընդունելու ժամկետը 30 օր է, բայց հոկտեմբերի 14-ից աշխատողների վրա ազդելու պարտադիր թեստավորման կամ պատվաստման հակասահմանադրական և ապօրինի պարտավորությունը հաշվի առնելով, կարծում եմ՝ Սահմանադրական դատարանը որոշում կկայացնի ավելի սեղմ ժամանակահատվածում։ Եթե միջնորդությունը բավարարվի ամսի 15-ից հետո, իսկ քաղաքացիները թեստավորված լինեն ավելի վաղ, ապա որևէ մեխանիզմ չկա վերադարձնելու համար թեստավորման համար ծախսված գումարը, որովհետև այդ ժամանակ գործում էր նախարարի հրամանի նորմատիվ դրույթը»,- ասաց Ռոբերտ Հայրապետյանը։
Իրավաբանի համար հարց է, թե պատվաստված մարդը, որը կարող է վարակել, և վարակվել, ինչու չպետք է թեստավորվի։
«Եթե ես լինեմ պատվաստված անձ, լինեմ վիրուսակիր, բայց չունենամ հիմնավոր կասկած հետազոտվելու համար, ես կարող եմ ներկայանալ աշխատանքի և աշխատակցին, որը պարբերաբար ՊՇՌ թեստ է հանձնում, ուղղակի վարակեմ»,- ընդգծեց Ռոբերտ Հայրապետյանը։
Ռոբերտ Հայրապետյանի խոսքով՝ նախարարի որոշման մեջ առկա է անուղղակի պարտադրանք, քանի որ պատվաստումին այլընտրանք ներկայացվում է վճարովի թեստավորումը։
«Որոշման նպատակը զարգացնելը, գերշահույթով ապահովելն է թեստավորում իրականացնող ընկերություններին, և երկրորդ դեպքում անձանց տանել պատվաստման, որ եվրոպական կառույցներին ցույց տան, որ մենք ձեր պահանջները կատարել ենք, հնարավո՞ր է մի քանի միլիոն էլ մեզ գումար հատկացնեք»,- ասաց Ռոբերտ Հայրապետյանը։
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...