Անպիտան հրթիռներն իմ օրոք ՊՆ-ն չի գնել եւ չի վճարել. Սեյրան Օհանյան
ՀՀ պաշտպանության նախկին նախարար, ԱԺ «Հայաստան» խմբակցության ղեկավար Սեյրան Օհանյանը NEWS.am-ի հետ զրույցում հայտնեց, որ ԱԱԾ վերջին հաղորդագրության մեջ հիշատակվող 2011 թ. մատակարարված, բայց անպիտան հրթիռներն իր պաշտոնավարման ժամանակ պաշտպանության նախարարության կողմից չեն գնվել, դրա դիմաց չի վճարվել, այն միայն ի պահ է տրվել պահեստներում՝ մատակարար ընկերության խնդրանքով՝ հետագայում այլ երկիր տեղափոխելու նպատակով:
«Խնդիրն այն է, որ ԱԱԾ հայտարարության մեջ որոշակի փաստերի, տեղեկատվության խեղաթյուրում կա: 2011 թվականին մատակարարող կազմակերպությունը ՀՀ ԶՈւ-ին մատակարարել է ավիացիոն ռազմամթերք, որի 30 տոկոսն ընդունվել էր զինված ուժերի համապատասխան վարչության՝ Գլխավոր շտաբի կողմից և ՊՆ-ն վճարել է դրա դիմաց: 30 տոկոսը պիտանի է եղել, մնացած 70 տոկոսը քանի որ եղել է անպիտան, ՊՆ-ն չի ընդունել, բայց քանի որ դա ռազմամթերք է՝ բավական մեծ չափեր ունեցող եւ պայթյունավտանգ, հրդեհավտանգ է, մատակարարող կազմակերպությունը, համապատասխան տեղ չունենալով, խնդրել է մեզ, մենք էլ ի պահ վերցրել ենք ԶՈւ-ի համապատասխան հրթիռա-հրետանային սպառազինության պահեստներում՝ այն պայմանով, որ մատակարարող կազմակերպությունը ձեռք կբերի թույլտվություն՝ լիցենզիա տարանցիկ փոխադրման, կամ այլ երկիր մատակարարելու, վաճառելու համար: Իմ ժամանակ մենք դա չենք ընդունել եւ դրա դիմաց գումար չենք վճարել: Քանի որ նախաքննություն է ընթանում, կարող եմ միայն ավելացնել, որ հետագայում այն գնվել է 2018 թ-ին:մնացած հարցերը կարող եք ուղղել նախաքննությունը վարող մարմնին ու ՊՆ-ին: ԱԱԾ-ի հաղորդագրությունից կարող է թվալ, թե այդ անսարք սպառազինությունն ընդունվել է ՊՆ հենց իմ պաշտոնավարման օրոք, ինչը չի համապատասխանում իրականությանը»,- նշեց նա:
Սեյրան Օհանյանը հայտնեց, որ ինքն ամիսներ առաջ քննվող քրեական գործի շրջանակում հարցաքննվել է վկայի կարգավիճակով:
Հիշեցնենք, որ ԱԱԾ-ն սեպտեմբերի 25-ին հայտնել էր, որ ՀՀ զինված ուժերի ավիացիայի նախկին պետը ձերբակալված է նյութական ծանր հետևանքների առաջացմամբ իշխանությունը չարաշահելու և պաշտոնեական կեղծիքներ կատարելու կասկածանքով։ Ըստ հաղորդագրության` նա ի պաշտոնե տեղյակ է եղել, որ դեռևս 2011 թվականին զենք և ռազմամթերք մատակարարող կազմակերպություններից մեկը ՀՀ է ներմուծել 1985-1991 թվականների արտադրության հրթիռներ։
Մատակարարումից որոշ ժամանակ անց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 2020 թվականի սեպտեմբերի 27-ին սկսված 44-օրյա պատերազմի ժամանակ:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...