Սյունիքի մարզի Տեղ համայնքում տեղակայված հայկական դիրքերից մեկի վրանում հրդեհի հետևանքով պայթել է ամբողջ զինամթերքը. մանրամասներ միջադեպից
ArmDaily.am-ը ավելի վաղ անդրադարձել էր Սյունիքի մարզի Տեղ համայնքի՝ սահմանամերձ դարձած բնակավայրերի մոտ տեղակայված հայկական դիրքերի անմխիթար վիճակին։ Մասնավորապես նշել էինք, որ ադրբեջանցիների՝ բոլոր հարմարություններով ու շատ կարճ ժամանակում կառուցված մարտական դիրքերի դիմաց հայ ժամկետային ու պայմանագրային զինծառայողները ստիպված են բնակվել կարկատված վրանների տակ՝ առանց տարրական հարմարությունների։
ArmDaily.am-ի տեղեկություններով՝ երեկ գիշեր Տեղ համայնքի՝ 44-օրյա պատերազմից հետո այսպես կոչված սահմանամերձ գոտի դարձած բնակավայրերի մեկի մոտ տեղակայված հայկական դիրքի վրանում ժամկետային զինծառայողը վառարանն է վառել՝ ցրտից պաշտպանվելու համար։ Հրդեհ է առաջացել ու զենքի ողջ արսենալը սկսել է պայթել՝ նռնակներ, փամփուշտներ։ Բարեբախտաբար, զինծառայողները ժամանակին կարողացել են հեռանալ ու նրանցից որևէ մեկը վնասվածք չի ստացել։ Հրդեհը, սակայն, չի կարողացել մարել նաև ժամանած ԱԻՆ մարտական հաշվարկը։
Նախարարության աշխատակիցներին 350.000 դրամ պարգևավճար բաժանող կառավարությունը պատերազմից հետո մեկ տարի անց էլ չկարողացավ ապահովել հայոց բանակի համար տարրական պայմաններ, այնինչ ադրբեջանցիները ապրում են ամենալավ պայմաններով դիտակետերում։
Փորձեցինք պարզաբանում ստանալ ՀՀ Պաշտպանության նախարարությունից, սակայն ՀՀ ՊՆ տեղեկատվության և հասարակայնության հետ կապերի վարչության պետ Գևորգ Ալթունյանը, ինչպես միշտ, չի պատասխանում զանգերին։
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...