Սահմանամերձ Կիրանցը ունի երեք առաջին դասարանցի (Լուսանկարներ)

Այսօր սահմանամերձ Կիրանցի դպրոցը համալրվեց երեք առաջին դասարանցով: Մոտ երեք հարյուր բնակիչ ունեցող այս համայնքի համար սա վատ ցուցանիշ չէ: Մեզ հետ զրույցում գյուղապետ Կամո Շահինյանը նշեց, որ անցած տարի եղել է վեց առաջին դասարանցի:

«Ես վստահ եմ, որ եթե մենք աջակցություն ստանանք երիտասարդ ընտանիքներին բնակարանով, տնով ապահովելու խնդրում, ապա առաջին դասրանցիների եւ դպրոցականների թիվը կտրուկ կավելանա»,- ասաց Շահինյանը եւ ավելացրեց. «Գյուղը Հայաստանի այն եզակի համայնքներից է, որ արտագաղթ չունի, պարզապես միջոցներ չունենք մեր ուժերով երիտասարդ ընտանիքների բնակարանային խնդիրը լուծելու համար»:

Գյուղն ապրում է բնականոն կյանքով: Անգամ իր ուժերով ֆուտբոլի խաղադաշտ են կառուցում, առանց որեւէ մեկի աջակցության: «Մենք ապրող եւ կենդանի ու հերոս գյուղ ենք: Պետք է տեսնեիք, թե երեխաներն ինչպես էին մասնակցում խաղադաշտի կառուցմանը: Մենք ապագա ունեցող գյուղ ենք»,- ասաց Շահինյանը:

Top-News.am

Այս թեմայով Կիրանցի Սուրբ Երրորդություն եկեղեցու վերականգնման համար Կառավարությունը կտրամադրի 66 մլն դրամ Անօրինական է մեր տեղաշարժն արգելելը․ ոստիկանները կրկին արգելեցին Բագրատ Սրբազանի մուտքը Կիրանց (տեսանյութ) Կիրանցեցիները ոստիկանների պահանջով հանել են ճանապարհին տեղադրված վրանները «Լավ եմ արել»․ փոխոստիկանապետը՝ Կիրանցում բնակիչների հանդեպ ուժ կիրառելու մասին Անհամաչափ ուժ է կիրառվել կիրանցեցիների նկատմամբ, իշխանությունը ՀՀ-ից թողնելու է «քպստան» անունը. Արծվիկ Մինասյան