Արմեն Չարչյանի պնդմամբ՝ իր նկատմամբ ԲԴԽ նախագահի ցուցումով քաղաքական հետապնդում է իրականացվում. Թագուհի Թովմասյան
ԱԺ մարդու իրավունքների և հանրային հարցերի մշտական հանձնաժողովի ղեկավար Թագուհի Թովմասյանն այսօր այցելել է հիվանդանոցում գտնվող «Հայաստան» խմբակցության պատգամավոր Արմեն Չարչյանին:
Թագուհի Թովմասյանը հայտնեց, որ Արմեն Չարչյանի առողջական վիճակը ծանր է.
«Պրն Չարչյանը տեղափոխվել է էնդոկրինոլոգիական բաժանմունք՝ մոտ 20 բարձրության շաքարային դիաբետի տվյալներով, ինչը խիստ մտահոգիչ է, որովհետև նորմայով պետք է այն լիներ 6: Նրան Վարդաշեն ՔԿ տեղափոխել են ինֆարկտային վիճակից 9 օր անց, ինչը ևս անթույլատրելի է, քանի որ պրն Չարչյանը մոտ 20 օր գոնե իր բուժումը պետք է ստանար, սա շատ մտահոգիչ իրավիճակ է»,-ասաց Թագուհի Թովմասյանը:
Պատգամավորը նաև հայտնեց, որ ԱՆ նախարարությունից որևէ մեկը չի տեսակցել Արմեն Չարչյանին.
«Ես կարծում էի, որ հաշվի առնելով Արմեն Չարչյանի առանցքային դերը բժշկական ասպարեզում, կարելի էր գոնե մարդկային ժեստ անել և տեսակցել նրան, բայց դա տեղի չի ունեցել»,-ասաց Թովմասյանը:
Պատգամավորը նաև հայտնեց, որ հանդիպման ընթացքում Արմեն Չարչյանը պնդել է, որ իր նկատմամբ քաղաքական հետապնդում է իրականացվում՝ անձամբ ԲԴԽ նախագահի կողմից.
«Արմեն Չարչյանն ասաց, որ իր նկատմամբ քաղաքական հետապնդում և խոշտանգում է իրականացվում, որը տեղի է ունենում ԲԴԽ նախագահ Գագիկ Ջհանգարյանի ցուցումով: Նա տեղեկություն ուներ, որ մինչև իր վերաբերյալ վճռի կայացումը, Գագիկ Ջհանգիրյանը հանդիպել է դատավոր Լուսինե Աբգարյանի հետ: Արմեն Չարչյանը շարունակում է պնդել, որ իր նկատմամբ իրականացվող քաղաքական հետապնդումը կոնկրետ ուղղորդում ունի: Այս ամենը, ինչպես նաև Արմեն Չարչյանի ֆիզիկական վիճակը, ինձ հիմք են տալիս պնդելու և հայտարարելու, որ Արմեն Չարչյանը անհապաղ պետք է ազատ արձակվի և նրա խափանման միջոցի հարցը պետք է լուծվի, քանի որ կարող են տեղի ունենալ ամենաանցանկալի հետևանքները»,-ասաց Թագուհի Թովմասյանը:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...