Հադրութցիների բողոքի ակցիան կառավարության մոտ
Հադրութից բռնի տեղահանվածները բողոքի ակցիա են իրականացնում կառվարության շենքի մոտ. նրնք պահանջում են իրենց ապահովել բնակարաններով:
«Մենք Հադրութում մեր եղած-չեղածը կորցրել ենք, հիմա չգիտենք փախստական ենք, թե վերաբնակիչ ենք: Մեզ ոչ մի բան չեն ասում: Հիմա եկել ենք նախ իմանանք՝ մեր բնակարանների հարցը ոնց է լուծվելու: Մենք Արցախից հրաժարվել ենք: Արցախը մեզ պատասխանել է, որ բոլորդ պետք է գաք Ղարաբաղ, ձեզ տուն են տալու: Թե քանի տարուց են տալու, դա էլ չեն ասում:ՈԹւ մեզ Արցախում ոչ մեկը չի ասում, որ քո անվտանգությունն ապահովված է:
Մյուս կողմից Ստեփանակերտում ոտք դնելու տեղ չկա, շատ մարդ է գնացել էնտեղ: Հարակից տարածքներում էլ տեղ չկա, միայն սահմանի բերանին է, ես էլ չեմ ուզում գնամ էնտեղ երեխա տանեմ: Էնքան զոհ եմ տվել, էլ չեմ ուզում զոհ տամ: Եթե ուզում են գնան, թող Արցախի մեր իշխանություններից գնան: Մեծամասնությանը բերել են Հայաստանում են գործի դրել: Մենք պարտվել ենք կռիվը ԱԱԾ տնօրենը ոչ ի պատասխան չի տալիս: Ինչի՞ ենք կռիվը պարտվել: Մինչեւ հիմա Արայիկ Հարությունյանն իրեն կանչե՞լ է, ասի՝ խի՞ ենք պարտվել: Էսօր էլ բերել են էստեղ են դրել իշխանության: Ու հիմա մեզ ասում են՝ գնացեք Արցախ: Խի՞ մենք գնանք, թող իրենք գնան: Մենք կռվել ենք, զոհ ենք տվել, թող գնան իրենք էլ զոհ տան, որ իմանան՝ դա ինչ է»,-ասաց հադրուցի տղամարդը:
Նա տեղեկացրեց, որ այսքան ժամանակ տարբեր տեղեր վարձով են ապրում. «Հայաստանի կառավարությունը հյուրընկալության փող էր տալիս, վարձը տալիս ենք, բայց հեսա էդ էլ են ուզում կտրեն: Երեւանում ամենաէժան տան վարձը 100 հազար դրամ է: Ո՞նց նենք, որ կարողանանք վարձը տանք, մյուս կոմունալները տանք: Ասում են՝ եկեք Արցախ, բայց էնտեղ էլ տուն չկա, որ տան, ապրենք: Ես Հադրութում 3 հարկանի տուն եմ սարքել, որ տղես վարձով չմնա, էսօր տունս մնացել է Ալիեւին: Հիմա իմ պատասխանն ո՞վ է տալիս: Եթե Հադրութը մեզ տան, 100 տոկոսով, հենց էսօր բոլորս կգնանք: Ասում են՝ գնա Մարտակերտ: Հենա թուրքը մտել ա տուն, երեխեքին վախեցրել է: Թող Արայիկ Հարությունյանն ու Հայկ Խանումյանը գնան Մարտակերտ: Աղաջանյան Կամոն կռվից հետո եկել է Հայաստան, բա թող գնա Ղարաբաղում ապրի»,-ասաց հադրութցին:
Նա հավելեց, որ պատերազմում պարտվել ենք, որովհետեւ 1994-ից սկսած մեր բանակը թալանել են. «Սալյարկա էլ են գողացել, հոսանք էլ են գողացել: Մեր գենոերալը Հադրութում մեծ օբյեկտ ուներ, որի հոսանքն ու ջուրը բանակից էր գալիս: Ինքը մի կոպեկ չէր տալիս: Թալանել են, դրա համար էլ պարտվել ենք: Մենք էդ կռիվը չենք կազմակերպել, դրա համար էլ պարտվել ենք: Որ դուք էդ գեներալների, նախագահների տները որ տեսնեք, կպատկերացնեք, թե ինչի ենք մենք պարտվել: Զենք պետք է առներ, ոչ թե տուն»,-ասաց նա:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...