Շաքարավազի գինը 5 տոկոսով թանկացել է. քիչ-քիչ են գինը բարձրացնում, որ ժողովրդի աչքին չերևա. Կարեն Չիլինգարյան
Հայաստանում շաքարավազի շուկայում դարձյալ գնի բարձրացում է նկատվում՝ 1 կիլոգրամը վաճառվում է 420-480 դրամի սահմաններում։
Մրցակցության պաշտպանության հանձնաժողովը հաղորդագրություն է տարածել՝ նշելով, որ շարունակում է մշտադիտարկում իրականացնել շաքարավազի շուկայում։
Հանձնաժողովն արձանագրել է խոշոր առևտրային կենտրոններում շաքարավազի մանրածախ գնի բարձրացում շուրջ 20 դրամով։
Շաքարավազի գնի բարձրացման հիմնավորվածությունը պարզելու նպատակով Հանձնաժողովը մի շարք ճշգրտումներ և հարցումներ է իրականացնում։
Հարկ է հավելել նաև, որ շաքարավազի շուկայում արհեստական պակասուրդի որևէ դրսևորում չի արձանագրվել։
«Սպառողների խորհրդատվության կենտրոն» ՀԿ նախագահ Կարեն Չիլինգարյանի դիտարկմամբ՝ մոտավորապես 5 տոկոսի թանկացում կա:
«Քիչ-քիչ են գինը բարձրացնում, որ ժողովրդի աչքին չերևա»,- մեզ հետ զրույցում ասաց Կարեն Չիլինգարյանը:
Ինչ վերաբերում է խանութներում շաքարավազի գնային տարբերությանը, Կարեն Չիլինգարյանը հավելեց.
«Նկատեցի, որ չփաթեթավորված շաքարավազի 1 կիլոգրամն արժե մոտ 390 դրամ, իսկ փաթեթավորվածը՝ 480 դրամ: Վաճառողին հարցրեցի, թե ո՞րն է նման տարբերության պատճառը, պատասխանեց, թե՝ փաթեթավորումը: Բայց փաթեթավորման համար այդքան չպետք է գինը բարձրանա: Ընդհանրապես 10-20 դրամի տարբերություն պետք է լինի, ոչ թե 60, 80 կամ 100 դրամ: Շատ կասկածելի է, երևի պետք է տանեն լաբորատորիա, տեսնեն տարբերությունը, թե չէ այսպես դժվար է որոշել:
ՏՄՊՊՀ-ն պետք է զբաղվի գնի բաձրացման հարցով, փորձի հասկանալ՝ չարաշահում կա՞, թե՞ չկա, սակայն այստեղ մի խնդիր կա. ՏՄՊՊՀ-ն հիմնականում զբաղվում է մենաշնորհներով, բայց մեզ մոտ որոշ տնտեսվարողներ խորամանկ ձևով տրոհում են, իբր տարբեր տնտեսվարողներ են, բայց իրականում մեկ հոգու է պատկանում: Սա խնդիր է»:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...