4 երեխաների մայրը երեխաների հետ փորձել է վերադառնալ իր նախկին բնակության վայրը՝ Շուշի

Շուշիի նախկին բնակիչ, 32 տարեկան Իզաուրա Բալասնյանը վերցրել է իր 4 երեխաներին և փորձել հատել սահմանը ու վերադառնալ իր նախկին բնակության վայրը՝ Շուշի։
«Այո, գնացել եմ Շուշի, որովհետև տուն չունեմ: Հասել եմ տամոժնի, բայց ռուսները թույլ չտվեցին, որ մտնենք Շուշի: Ռուսները ինձ ասեցին՝ մի մտի, ամոթ է դա, ձեր ազգին պատիվ չի բերի: Ես Շուշի չմտա: Թուրքի ու ռուսի արանքում կանգնել եմ: Էդ ժամանակ արդեն ռուսները զանգել են իրանց մեծին, իրանց մեծը զանգել ա նախարարություն, որ ձեր ժողովրդից մի կին երեխեքի հետ հանձնվում ա թուրքին: Ու տենց ԱԱԾ-ն եկել է։ Ադրբեջանցիները նայում էին ինձ, երեխեքիս: Տխուր դեմքով նայում էին մեզ»,- պատմել է կինը։
Կինն ասել է, որ գնացել է այդ քայլին, որովհետև Ստեփանակերտի հանրակացարանի բնակարանի գինը, որում իրենք ապրում էին պատերազմից հետո, բարձրացրել են 100 հազարից` դարձնելով 150 հազար դրամ։