Իշխանությունները պարգեւատրում են քրեական հեղինակությանը երեխաների ներկայությամբ՝ նպաստելով քրեական բարքերի տարածմանը
Սեպտեմբերի 1-ին՝ Գիտելիքի և դպրության օրվա առթիվ քրեական հեղինակություն համարվող Արտյոմ Կանևսկոյը՝ Արտյոմ Հարությունովը, ԿԳՄՍ նախարարության կողմից պարգևատրվեց որպես «բարերար»՝ Երևանի Միսաք Մեծարենցի անվան թիվ 146 հիմնական դպրոցը վերանորոգելու համար:
Հատկանշական է, որ քրեական հեղինակություն համարվող անձը պարգևատրվել է մի իշխանության կողմից, որն ընդամենը մեկ տարի առաջ քրեական ենթամշակույթ կրող անձանց՝ «օրենքով գողերի» վերաբերյալ օրենքի նախագիծ էր ընդունել: Նախագծով նախատեսվում էր քրեական պատասխանատվություն սահմանել քրեական աստիճանակարգության բարձրագույն կարգավիճակ տալու կամ ստանալու և պահպանելու համար: Մինչդեռ, գործնականում նրանք ոչ թե պատժվում են, այլ պարգեւատրվում ու որպես օրինակ ներկայացվում մատաղ սերնդին։
«Փաստինֆո»-ի հետ զրույցում ԱԺ նախկին պատգամավոր Սոֆյա Հովսեփյանն ընդգծեց, որ սա առաջին հերթին հակասում է կառավարության և քաղաքական ուժի գործունեությանը.
«Այն մարդիկ, որոնք որոշել էին արմատախիլ անել քրեական բարքերը, փաստացի հիմա պարգևատրում են քրեական բարքերը: Պետական պարգևատրում է տրվում մի մարդու, որը համարվել է քրեական հեղինակություն: Եթե այդ մարդը ցանկացել է նվիրատվություն անել և դպրոց վերանորոգել, ինչը գնահատելի է, պետք էր ուղղակի դա ընդունել ի գիտություն, ուրիշ ոչինչ»,-ասաց զրուցակիցը:
Ուշագրավ է, որ քրեական հեղինակություն համարվող անձը պարգևատրվել է դպրոցահասակ երեխաների ներկայությամբ:
Սոֆյա Հովսեփյանն այս երևույթն անընդունելի համարեց, և ընդգծեց, որ սա նպաստելու է, որ երեխաները սկսեն հետաքրքրվել քրեական հեղինակության գործունեությամբ.
«Երեխաները, իրենց տարիքային առանձնահատկություններից ելնելով, սկսելու են հետաքրքրվել՝թե ո՞վ է այդ մարդը, նրա գործունեությամբ հետաքրքրվել, հատկապես դեռահասության տարիքում գտնվող երեխաները հեշտությամբ ոգևորվում են նման անձանց կերպարներով, սա որևէ կերպ չի կարող դրական ազդեցություն ունենալ: Ես կարծում եմ, սա զուսպ պետք է արվեր՝ այլ ոչ թե մեծ տոնակատարությամբ և ծափերով»,-ասաց Սոֆյա Հովսեփյանը:
Զրուցակցի խոսքով, ստացվում է, որ ցանկացած անձ կարող է անօրինական գործողություն անել և դրանից հետո դպրոց,եկեղեցի կառուցել, և դրանից հետո սրբադասվել և դառնալ հեղինակություն:
Ընդգծենք, որ բազմիցս Նիկոլ Փաշինյանը և իշխանության ներկայացուցիչները հայտարարել են, որ հետևողականորեն պայքարելու են քրեական բարքերի դեմ: Մասնավորապես Նիկոլ Փաշինյանը հայտարարել էր՝ «Հայաստանում արմատախիլ անել նաև քրեական ենթամշակույթը»: Փաստացի, իշխանությունը հակասում է իր իսկ խոսքին և իր որդեգրած քաղաքականությանը՝ նպաստելով դրա հիմնայնացմանը։
Նկատենք, որ քրեական հեղինակության պարգեւատրման արարողությունը լայնորեն լուսաբանվել էր նաեւ իշխանական հեռուստաընկերությունների կողմից որպես օրվա կարեւոր իրադարձություն։
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...