ԿԳՄՍ փոխնախարար Կարեն Գիլոյանը շնորհակալագիր է տվել «օրենքով գող» Արտյոմ Կանեւսկոյին
Գիտելիքի եւ դպրության օրվա կապակցությամբ այսօր ՀՀ կրթության, գիտության, մշակույթի եւ սպորտի նախարարի տեղակալ Կարեն Գիլոյանն այցելել է Երեւանի Միսաք Մեծարենցի անվան թիվ 146 հիմնական դպրոց:
ԿԳՄՍ նախարարի տեղակալը նոր ուսումնական տարվա մեկնարկի կապակցությամբ շնորհավորել է աշակերտներին, ուսուցիչներին եւ ծնողներին՝ ընդգծելով կրթության կարեւորությունը մեր երկրի զարգացման եւ առաջընթացի գործում. «Ամեն ինչ սկսվում է կրթությունից: Միայն կրթված քաղաքացին է կարողանում կերտել հզոր պետություն եւ աշխատել՝ ի փառս հայրենիքի: Նոր ուսումնական տարին կրթօջախը սկսում է առավել բարեկարգված պայմաններում: Շնորհակալություն եմ հայտնում բոլոր նրանց, ովքեր աջակցել են այդ աշխատանքներին՝ այդպիսով նպաստելով նաեւ մեր երկրի շենացմանը: Թող բոլոր աստվածահաճո գործերն ավարտվեն հաղթանակով: Սիրելի՛ աշակերտներ, ուսուցիչներ, ջերմորեն շնորհավորում եմ Գիտելիքի ու դպրության օրվա եւ նոր ուսումնական տարվա մեկնարկի առթիվ, բարի երթ եւ ուսումնական հաջողություններ եմ մաղթում»:
Նշենք, որ ամառային արձակուրդի ընթացքում Երեւանի Միսաք Մեծարենցի անվան թիվ 146 հիմնական դպրոցում ընթացել են վերանորոգման լայնածավալ աշխատանքներ՝ բարեկարգվել են մարզադահլիճը, ֆուտբոլի խաղադաշտը, հանդիսությունների դահլիճը, տարածքն ասֆալտապատվել է, վերանորոգվել է տանիքը։
Բացի դրանից՝ ուսումնական հաստատությունը համալրվել է նոր գույքով եւ տեխնիկայով: Շինարարական աշխատանքներում նշանակալի ներդրում է ունեցել բարերար Արտյոմ Հարությունովը, որին Կարեն Գիլոյանը ԿԳՄՍ նախարար Վահրամ Դումանյանի անունից շնորհակալագիր է հանձնել: Նշենք, որ Արտյոմ Հարությունովն առավել հայտնի է որպես «քրեական հեղինակություն»։
Դպրոցի տնօրեն Մարիետա Դավթյանի խոսքով՝ բարեկարգված միջավայրն ավելի է մեծացնում ուսհաստատության՝ որակյալ կրթություն տալու պատասխանատվությունը. «Մեծարենցյան կրթօջախը նոր շունչ է ստացել: Միեւնույն ժամանակ, մեծացել է մեր պատասխանատվությունը որակյալ կրթության ապահովման հարցում: Շնորհակալ ենք բոլոր նրանց, ովքեր իրենց ներդրումն ու աջակցությունն են ունեցել բարեկարգման աշխատանքներում: Թող նոր ուսումնական տարին անցնի խաղաղ երկնքի ներքո, նշանավորվի հաջողություններով եւ բազում հաղթանակներով»:
Օրվա միջոցառումների շրջանակում ԿԳՄՍ նախարարի տեղակալ Կարեն Գիլոյանն այցելել է նաեւ Երեւանի պետական համալսարանի ժուռնալիստիկայի ֆակուլտետ՝ ողջույնի եւ շնորհավորանքի խոսք հղելով առաջին կուրսեցիներին:
«Սիրելի՛ ուսանողներ, կրթվելու համար ժամանակ չխնայեք: Մի՛ կորցրեք պահը, ստեղծեք ամուր հիմք բարեկեցիկ կյանքի համար, քանի որ ամեն ինչ կրթության ածանցյալ է»,- ասել է ԿԳՄՍ նախարարի տեղակալը եւ վստահություն հայտնել, որ բուհում ստացած գիտելիքների շնորհիվ ուսանողները կդառնան բարձրակարգ մասնագետներ՝ իրենց ներդրումն ունենալով Հայաստանի զարգացման գործում:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...