11 ամիս առաջ սկսվեց 44-օրյա պատերազմը

11 ամիս առաջ՝ 2020թ. սեպտեմբերի 27-ին մեր կյանքը փոխվեց, սկսվեց 44-օրյա արյունալի պատերազմը, որը մեր երկիր, մեր տուն իր արկածախնդիր քաղաքականության պատճառով բերեց գործող վարչախումբը՝ նիկոլ փաշինյանի գլխավորությամբ:

Հայտարարելով, թե բանակցությունները սկսում է իր կետից, ոնց ուզում բանակցում է, սկսելով կասկածելի եւ հարցեր առաջացնող, այսպես կոչված, վերելակային դիվանագիտություն Ադրբեջանի հետ, իսկ մի օր Արցախում բղավելով Արցախը Հայաստան է եւ վերջ, նիկոլ փաշինյանը բացեց պատերազմի դռները Թուրքիայի եւ Ադրբեջանի առաջ:

Պատերազմ, որը մեզնից խլեց ամենալավերին՝ հազարավոր երիտասարդների, տասնմեկ հազարը ստացան տարբեր աստիճանի վիրավորումներ, նրանցից շատերը դարձան հաշմանդամ, 40 հազար մարդ մնաց անտուն, Շուշին, Հադրութը, Ավետարանոցը, Տիգրանակերտը, Քարվաճառն անցան թնամու վերահսկողությանը:

Պատերազմ, որը չպետք է լիներ, սկսվեց սեպտեմբերի 27-ին՝ 11 ամիս առաջ, ավարտվեց 44 օր հետո, բայց մեր հանրությունը այդպես էլ հետեւություն չարեց եւ 2021թ. հունիսի 20-ի արտահերթ խորհրդարանական ընտրությունների ժամանակ գտնվեց մեկից ավելի անպատասխանատու մարդ, որն այս ամենից հետո երկրի ղեկը նվիրեցին նիկոլ փաշինյանին:

Պարտության դեմք ունեցող ղեկավարող երկիրը անդադար պարտվելու է, որի վառ վկայություններից մեկը ադրբեջանցիների կողմից Կապան-Գորիս ճանապարհի փակումն էր...

Top-News.am