Պապոյանի գրառումն ուսումնասիրվել, բայց չի ստուգվել
«Փաստ» օրաթերթը գրում է
Խորհրդարանական ընտրությունների նախընտրական ժամանակահատվածում ԱԺ պատգամավոր Գևորգ Պապոյանի՝ Facebook-ի էջում կատարած գրառումներից մեկի ներքո օգտատերերից մեկը հարցրել էր, թե Կաքավաձոր գյուղի ճանապարհների հարցը երբ պետք է լուծվի: Պապոյանն ի պատասխան նշել էր. «Գյուղով ընտրեք «Քաղաքացիական պայմանագիր» կուսակցությանը, և մենք այդ հարցը առաջիկա 1-2 տարում կլուծենք»: Սույն փաստը 2021 թ. մայիսի 27ին արձանագրել են լրատվամիջոցները:
«Փաստ» թերթը գրավոր հարցում էր ուղարկել ՀՀ դատախազություն՝ խնդրելով պատասխանել, թե Գ. Պապոյանի նշյալ գրառումը դիտարկվե՞լ է որպես ընտրակաշառքի խոստում, և արդյո՞ք հարուցվել է քրեական գործ: Դատախազությունից ի պատասխան տեղեկացրել են, որ Գևորգ Պապոյանի այդ գրառումը մամուլի մշտադիտարկման արդյունքում ուսումնասիրվել է: «Արդյունքում պարզվել է, որ այն նախապատրաստվող կամ կատարված հանցագործության մասին տեղեկություններ չի պարունակել, հետևաբար ՀՀ Քրեական դատավարության օրենսգրքով սահմանված կարգով չի ստուգվել»,- նշված է դատախազության պատասխանում:
Նման պատասխանն, իհարկե, սպասելի էր, քանզի խոսքը իշխանական ուժի պատգամավորի մասին է: Դժվար չէ պատկերացնել, թե ինչ ծանր մեղադրանքներ կբարդվեին, եթե Պապոյանը ընդդիմադիր պատգամավոր կամ պատգամավորի թեկնածու լիներ: Պրոֆեսոր Արմեն Չարչյանը, Մխիթար Զաքարյանը, Արթուր Սարգսյանը, Սյունիքի ներկա համայնքապետները՝ վառ օրինակ, որոնց նկատմամբ իշխանությունները քաղաքական հետապնդում են իրականացնում:
Մանրամասները՝ «Փաստ» օրաթերթի այսօրվա համարում
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...