«Բոլոր գիտակից մարդիկ հասկանում են, թե ինչ է կատարվում Սյունիքում և ինչու»․ Իրինա Յոլյան
Գորիսի փոխքաղաքապետ Իրինա Յոլյանը ֆեյսբուքյան իր էջում գրում է․ «Իմ շատ սիրելի ընկերներ, ծանոթներ, անծանոթներ, անչափ շնորհակալ եմ անհանգստության համար: Ես լավ եմ, ավելի ուժեղ և ավելի վճռական՝ արդարության հաստատման հարցում:
Ինչ խոսք, կազմակերված անհաջող «օպերացիան» կարող էր առավել տպավորիչ լիներ, եթե ԱԱԾ մոտ 20 աշխատակիցներ՝ բրոնեժիլետներով, մինչև ատամները նռնակներով, ինքնաձիգներով զինված, Երևանից Գորիս հասնեին նաև տանկերով, որպեսզի մեկ թոշակառու ու ևս երկու կանանց քննչական կոմիտե տանեն:
Ես այս մարտաֆիլմ հիշեցնող կինոյի մեջ մեկ հարցում եմ հպարտ, որ ինձ որևէ մեղադրանք առաջադրելու, գործ սոսնձելու համար բավականին երկար ժամանակ տիտանական աշխատանք կատարած քննիչը դատարանում ինձ երկու ամսով կալանավորելու մեղադրանքի հիմքում դրել է մեկ նախադասություն, այն է՝ Հաշվի առնելով Իրինա Յոլյանի բարձր համբավն ու հեղիանակությունը Գորիս համայնքում, անհրաժեշտություն է առաջանում նրան կալանվորել երկու ամսով, որպեսզի չխոչընդոտի գործի քննությանը:
Վստահեցնում եմ, որ շատերին սարսափեցնող իմ բարձր հեղինակության շնորհիվ, այս խայտառակ պատմությունը դառնալու է միջազգային կառույցների, դեսպանատների ու դատարանների քննարկման թեման, որպեսի Հայաստանը բռնապետության ճանապարհով տանող խունտայի համար սա լինի վերջին խայտառակ նախադեպը:
Մի շարք միջազգային կառույցների կողմից մարդու իրավունքների պաշտպանության համար ստացած իմ բազմաթիվ մրցանակները հենց նմանօրինակ միջադեպերը բացառելու գործում ունեցած ավանդի համար էին և հավատացնում եմ, այս խայտառակության շուրջ դեռ շատ ջրեր են հոսելու և տրվելու է իրավական գնահատական:
Ցավալիորեն իմ գործընկերները՝ Գորիս համայնքի ղեկավար Առուշ Առուշանյանը և փոխհամայնքապետ Մենուա Հովսեփյանը կալանավորված են, բայց վստահաբար, ժամանակի հարց է, քանի որ ոչ մի անօրինական գործարք երկար կյանք չունի: Բոլոր գիտակից մարդիկ հասկանում են, թե ինչ է կատարվում Սյունիքում և ինչու:
Շարունակելու ենք աշխատել գիշեր ցերեկ, որպեսզի հետամուտ լինենք Առուշանյանի կողմից մեկնարկած բոլոր ծրագրերի անթերի իրականացմանը՝ ուղղված մեր համայնքի շենացմանը: Այս միջադեպը ինձ ցույց տվեց, թե ինչքան հավատարիմ հզոր ընկերներ ունեմ, սրտացավ ու իրականում անհագստացող մարդկանց բանակ կա իմ թիկունքում:
Սիրելի լրագրողներ,
առայժմ զերծ եմ մնալու որևէ հարցազրույցից՝ գործին չվնասելու համար, իմ փաստաբանները կզբաղվեն այդ հարցով: Շնորհակալ եմ պրոֆեսիոնալ փաստաբանական խմբին, իմ հարազատներին, ընկերներին, բոլոր կառույցներին, լրատվամիջոցներին, ովքեր ամեն ինչ արեցին արդարության վերականգնման համար: Ես ծով համբերություն ունեմ և բավարար ուժ, ամեն ինչ առջևում է»:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...