Հորդորում եմ ԲԴԽ-ին նախ ապահովել իրական դատավորների անկախությունը․ Արամ Վարդևանյան
«Բարձրագույն դատական խորհուրդը նման հորդորով հանդես գալու փոխարեն պետք է ապահովեր, որպեսզի դատական իշխանությունը որևէ կերպ չմիջամտեր օրենսդիր իշխանության գործունեությանը և բացառեր այնպիսի դատավորների հետագա պաշտոնավարումը, որոնք ինքնին խաթարում են հանրային վստահությունը դատական իշխանության նկատմամբ։ Եվրոպայի խորհուրդը հենց նշվածն է դիտարկում որպես առաջնային․ քննադատական խոսքում պետք է լինի հանրային վստահություն, որպեսզի դա խաթարվի, իսկ կան դատավորներ որոնք առհասարակ հանրային վստահություն չունեն և ցավոք սրտի նաև մասնագիտական գիտելիքներ չունեն»,- Yerevan.Today-ի հետ զրույցում նշել է ԱԺ «Հայաստան» խմբակցության պատգամավոր Արամ Վարդևանյանը՝ պատասխանելով հարցին, թե ինչպես է վերաբերվում՝ պատգամավորներին հասցեագրված ԲԴԽ-ի այսօրվա կոչին։
Հիշեցնենք, որ ԲԴԽ-ն կոչ էր արել ԱԺ բոլոր պատգամավորներին, դատարանների վերաբերյալ իրենց արտահայտած կարծիքներում, լինել առավել զուսպ և կոռեկտ։
«Առթից օգտվելով ուզում եմ ասել, որ նման դատավորներին իհարկե հանրությունն առավել լավ է ճանաչում, էլ չասեմ մասնագիտական հանրույթի գնահատականները նման դատավորների վերաբերյալ։ Բայց, նաև ուզում եմ հատուկ շեշտադրել, որ վերջին շրջանում առնվազն տեսնում ենք, որ հենց հանրային վստահություն վայելող դատավորների նկատմամբ սկսվել է ակնհայտ հերթական ահաբեկման պրոցես, ակնհայտ ձևով է սկսվել, դա էլ, որպես մահակ օգտագործելով, հենց ԲԴԽ-ի գործիքը կարգապահական պատասխաատվության միջոցներ կիրառելու մասով։
Հետևաբար հորդորում ենք, օրինակ՝ կամ հորդորում եմ, Բարձրագույն դատական խորհրդին նախ ապահովել իրական դատավորների անկախությունը և իրենց գործունեության անխափանությունը, այլ ոչ թե հակառակը՝ խոչընդոտել իրական դատավորների բնականոն գործունեությունը և էլ չասեմ, որ մենք ապրում ենք էն իրականության մեջ, որ մինչ օրս, համակարգչային խնդիր իրենից ենթադրող, մակագրման համակարգը վերականգնված չէ։ Կարծում եմ դրա մասին պետք է առաջնային խոսել»,- ընդգծել է Արամ Վարդևանյանը։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...