ԲԴԽ-ն մերժեց դատավոր Դավիթ Գրիգորյանին կարգապահական պատասխանատվության ենթարկելու՝ արդարդատության նախարարության միջնորդությունը
Բարձրագույն դատական խորհրդում (ԲԴԽ) հուլիսի 15-ին տեղի ունեցավ Երևան քաղաքի Առաջին ատյանի ընդհանուր իրավասության դատարանի դատավոր Դավիթ Գրիգորյանին կարգապահական պատասխանատվության ենթարկելու վերաբերյալ նիստը:
Միջնորդությունը ԲԴԽ-ում ներկայացնում էր արդարադատության փոխնախարար Քրիստինե Գրիգորյանը: Նիստին ներկա էին նաև ԲԴԽ անդամներ, ինչպես նաև դատավոր Դավիթ Գրիգորյանը և վերջինիս ներկայացուցիչներ Գեորգի Մելիքյանն ու Սիրանուշ Սահակյանը:
Ավելի վաղ, 168.am-ի հետ զրույցում Դավիթ Գրիգորյանի ներկայացուցիչ, փաստաբան Գեորգի Մելիքյանն ասել էր, որ դատավորին կարգապահական պատասխանատվության ենթարկելու համար դիմող կողմը հիմք է ընդունել ս/թ մարտի 30-ին armdaily.am կայքում հրապարակված հարցազրույցը վերջինիս հետ:
«Դավիթ Գրիգորյանն այդ հարցազրույցում որոշակի կարծիք է հայտնել, որը դիտարկել են՝ որպես դատավոր Աննա Դանիբեկյանի վարույթում գտնվող գործին հնարավոր միջամտություն: Հենց այս հիմքով են հարուցել կարգապահական վարույթ»,- ասել էր Գեորգի Մելիքյանը:
ԲԴԽ-ում կարգապահական վարույթի քննության շրջանակում Դավիթ Գրիգորյանի ներկայացուցիչ Սիրանուշ Սահակյանն ասել էր, որ փաստական հիմքը ընդհանրական հայտարարություններ կատարելն է, և մենք չունենք օրենքի 69-րդ հոդվածում թվարկված կանոն, որն ինքնին արգելում է դատավորի կողմից հայտարարություններ կատարելը, և այստեղ ըստ էության կենսական է դառնում հայտարարությունների առարկան:
«Արված հայտարարության ասոցացումը որևէ գործի հետ դեռևս բավարար չէ 7-րդ կետի խախտում համարելու համար»,-նկատել էր վերջինս՝ հավելելով, որ օբյեկտիվ և սուբյեկտիվ տարրերի բացակայության պարագայում միջնորդությունը ենթակա է մերժման:
Ինքը՝ Դավիթ Գրիգորյանը նշել էր.
«Ես պնդում եմ, որ կարծիք հայտնելը ես տարբերում եմ դատողություններ անելուց, և իմ կողմից զուտ իրավական դատողություններ են կատարվել և իրավական վերլուծություններ են կատարվել տեսական հայցերի շուրջ: Եվ դրա վառ ապացույցը հանդիսանում է նրանում, որ երբ հարց է տրվել՝ «այ, հիմա ի՞նչ պետք է անի Աննա Դանիբեկյանը», ես պատասխանեցի շատ կարճ և կոնկրետ, հստակ, որ ես չեմ կարող կարծիք հայտնել, քանի որ դա կդիտվի իմ կողմից միջամտություն մեկ այլ դատավորի վարույթում գտնվող քրեական գործին»:
Այսօր հրապարակվեց ԲԴԽ որոշումը՝ Դավիթ Գրիգորյանին կարգապահական պատասխանատվության ենթարկելու միջնորդության վերաբերյալ:
Միջնորդությունը մերժվեց: որոշումը ուժի մեջ է մտնում հրապարակման պահից և վերջնական է:
Որոշումը հրապարակեց ԲԴԽ նախագահի պաշտոնակատար Գագիկ Ջհանգիրյանը:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...