Պաշտոնական Մոսկվայի համար պարզ է, թե ի՞նչ է ուզում իրականացնել Ադրբեջանը, սա մեծ առումով ուղղված է նաև Ռուսաստանի դեմ. Տիգրան Աբրահամյան
Ադրբեջանը փորձում է սահմանին իրականացրած իր սադրանքները հիմնավորել՝ իբրև հայկական կողմից իրականացվող գործողություններով: «Փաստինֆո»-ի հետ զրույցում ասաց ռազմական ՀՀ ԱԺ «Պատիվ ունեմ» խմբակցության պատգամավոր Տիգրան Աբրահամյանը:
Նշենք, որ վերջին շրջանում ադրբեջանական կողմն ակնհայտ կեղծ տեղեկություններ է տարածում՝ իբրև թե հայկական կողմը կրակ է արձակել իրենց դիրքերի ուղղությամբ, ինչը հետագայում հերքվում է ՀՀ ՊՆ-ի կողմից:
Տիգրան Աբրահամյանի համոզմամբ՝ Ադրբեջանը, կեղծ տեղեկատվություն տարածելով, փորձում է արդարացնել սահմանին իր իսկ հրահրած սադրանքները.
«Իրականում փաստն այն է, որ հատկապես վերջին շրջանում, թե՛ Հայաստանի, թե՛ Արցախի տարբեր ուղղություններով ադրբեջանական զինուժը որոշակի ակտիվություն է ցուցաբերում: Ադրբեջանն իր սադրանքները միջազգային հանրության ընկալելի դարձնելու համար, ինտենսիվ տեղեկատվական հոսքեր է արտադրում՝ պաշտոնական և ոչ պաշտոնական միջոցներով, որպեսզի ցույց տա, թե իր գործողությունները բխում են Հայաստանի դրսևորած պահվածքից»,- ասաց Աբրահամյանը:
Նկատենք, որ Ադրբեջանն իր տարածած կեղծ հաղորդագրություններում հատուկ ընդգծում է, իբրև հայկական կողմերը կրակ են արձակում այն դիրքերի ուղղությամբ, որտեղ ռուս խաղաղապահներ են տեղակայված:
Պատգամավորի դիտարկմամբ՝ Ադրբեջանը միգուցե փորձում է լարում մտցնել հայկական կողմի և ռուս խաղաղապահների միջև, միևնույն ժամանակ զրուցակիցն ընդգծեց, որ ռուսական կողմը տիրապետում է իրավիճակին և գիտի՝ ով է սադրանքներ իրականացնողը.
«Պաշտոնական Մոսկվայի համար պարզ է, թե ի՞նչ է ուզում իրականացնել Ադրբեջանը, սա մեծ առումով ուղղված է նաև Ռուսաստանի դեմ: Ադրբեջանը նպատակ ունի իրականությունից շեղել միջազգային հանրությանը, այդ պատճառով էլ թեման այդպես է զարգացնում, բայց իրականում ռուսական կողմը անհրաժեշտ գործիքակազմ է կիրառում, մոնիտորինգ է իրականացնում, իրավիճակի վերլուծություն է իրականացնում և իր համար ակնհայտ է, թե՝ ով է իրավիճակի պատասխանատուն և ով է սադրանքներ իրականացնում, ռուսական կողմը իրադրությանը տիրապետում է»,- ասաց Տիգրան Աբրահամյանը:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...