Գնել Սանոսյանն ինձ հետ անձնական խնդիրներ ունի քաղաքական հայացքների պատճառով․ Հակոբ Ավետյան
Գեղարքունիքի մարզպետ Գնել Սանոսյանն ինձ հետ անձնական խնդիրներ ունի քաղաքական տարակարծությունների պատճառով։ Այս մասին այսօր՝ հուլիսի 29-ին, NEWS.am-ի հետ զրույցում ասաց Գեղամասարի համայնքապետ Հակոբ Ավետյանը՝ անդրադառնալով մարզպետի այսօր հնչեցրած հայտարարությանը, թե Հակոբ Ավետյանի անունը կապված է բազմաթիվ քրեական գործերի հետ։
«Գնել Սանոսյանն ինձ հետ ունի անձնական խնդիրներ քաղաքական հայացքների տարբերության պատճառով և դրա համար էլ նման հայտարարություններ է անում։ Ես ընտրությունների ժամանակ եղել եմ «Հայաստան» դաշինքի նախընտրական շտաբի ղեկավարը, աջակցել եմ այդ ուժին՝ թեպետ իմ համայնքում հաղթել է իշխող ուժը։ Նա սուտ է խոսում։ Ինձ անցյալ տարի ձերբակալեցին առանց որևէ հիմքի, հիմա էլ նույնը բանը շարունակում են։ Թող հիմնավորի, թե որոնք են այդ բազմաթիվ քրեական գործերը։ Ինձ մեկ մեղադրանք է առաջադրված, որում վստահ եմ՝ դատավորն ինձ լիարժեք արդարացնելու է»,- նշեց նա։
Հարցին, թե քաղաքական դիրքորոշումների վերաբերյալ երբևէ զրույց ունեցել է Գնել Սանոսյանի հետ, Հակոբ Ավետյանը դրական պատասխանեց։
«Շատ կարճ զրույց ենք ունեցել։ Ես հարկ չեմ համարել այդ թեմայով իր հետ երկար խոսել։ Ես միշտ հավատարիմ եմ իմ դիրքորոշմանը»,- ասաց Հակոբ Ավետյանը։
Համայնքապետի խոսքով՝ ընտրություններից մի քանի օր անց Գեղարքունիքի մարզպետը պահանջել է իր հրաժարականը, սակայն մերժում է ստացել․ «Դրանից հետո չենք զրույցել»։
Անդրադառնալով Սանոսյանի հարցադրմանը, թե նորմա՞լ է արդյոք, որ սահմանային միջադեպերի ժամանակ Գեղամասարի համայնքապետը Երևանում էր, Ավետյանն արձագանքեց, որ բանկի հետ անհետաձգելի հարց ուներ։
«Մի քանի օր առաջ եկել էին ինձ մոտ և ասում, որ տունս և մեքենաս վաճառքի են հանում։ Ես գնացել էի այդ հարցերը կարգավորելու, որ սահմանի վրա ես անտուն չմնամ։ Գնացել էի կարճ ժամանակով, բայց ինձ բերման ենթարկեցին ԱԱԾ։ Հիմա արդեն Գեղամասարում եմ»,- ամփոփեց Հակոբ Ավետյանը։
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...