Գեղամ Նազարյան. Հայաստանը ղեկավար չունի

Ամբողջ գիշեր ընթացել են մարտական գործողություններ Երեւանից ընդամենը երկու-երեք ժամվա հեռավորության վրա: Ունենք զոհեր, վիրավորներ, կան տեղեկություններ գնդակոծված գյուղերի մասին։

Հասարակությունը տագնապած հետեւում է կցկտուր տեղեկություններին։

Այս ընթացքում Հայաստանը ղեկավար չունի: Չկա առաջին դեմքը, որը ընդամենը ժամեր առաջ «ուրախ առիթով» ընտանիքի հետ հարսանիքի էր ու Իջեւանի անտառներում եւ ռեստորաններում Վարդավառ էր նշում: Չկան պետության մյուս բարձրաստիճան պաշտոնյաները: Մենք, ըստ էության, գործ ունենք պետության բացակայության հետ։

Ստեղծված պետական-քաղաքական վակուումը փորձում են լրացնել առանձին գործիչներ։
Իրավիճակը քննարկելու եւ հանրության համար ուղերձ նախապատրաստելու համար առաջարկում եմ անհապաղ հրավիրել «Հայաստան» դաշինքի նիստ։

Գեղամ Նազարյան