«Խորհրդավոր» ընթրիք. արևմտյան դեսպանները Մակունցին բացատրել են
Եվրոպական միությունն ու Միացյալ Նահանգները հատկապես վերջին երկու ամիսների ընթացքում ակտիվորեն աշխատում են ՀՀ արտաքին քաղաքական շրջադարձի և Հայաստանը Ռուսաստանից կտրելու կամ Ռուսաստանին Հարավային Կովկասից ամբողջությամբ հեռացնելու ուղղությամբ: Տևական ժամանակ է՝ այդ մասին բարձրաձայնում են նաև փորձագիտական-քաղաքագիտական շրջանակները:
Ի դեպ, այդ գործին են լծվել նաև ՀՀ-ում աշխատող արևմտյան դիվանագիտական ներկայացուցչությունների ղեկավարները:
Ըստ մեզ հասած տեղեկությունների՝ նախօրեին «խորհրդավոր» ընթրիք է տեղի ունեցել ՀՀ-ում ԱՄՆ դեսպան Լին Թրեյսիի կեցավայրում:
168.am-ին հայտնի դարձավ, որ դեսպան Թրեյսին անվանական ընթրիք է կազմակերպել ԱՄՆ-ում ՀՀ դեսպան նշանակվելիք Լիլիթ Մակունցի պատվին: Ըստ մեր տեղեկությունների՝ ընթրիքին մասնակցել է ՀՀ-ում ԵՄ պատվիրակության ղեկավար, դեսպան Անդրեա Վիկտորինը, արևմտյան երկրների մի շարք այլ դեսպաններ:
168.am-ի աղբյուրների համաձայն, Մակունցի պատվին կազմակերպված միջոցառման ողջ ընթացքում դեսպանները սիրաշահել են և նախապատրաստել նրան սպասվելիք ամերիկյան առաքելության համար, նրանք, այսպես ասած՝ «աշխարհաքաղաքական թրեյնինգ» են կազմակերպել Մակունցի համար՝ բացատրել, թե որքան ճիշտ որոշում կլինի ՀՀ-ի արտաքին քաղաքական կողմնորոշման փոփոխությունը, փորձել են ցույց տալ, թե որքան մեծ է վերջերս արևմտյան աջակցությունը Հայաստանին, ինչպես է Բլինքենը զանգահարում Երևան, Մակրոնը հայամետ ժեստեր անում, Եվրամիության խորհրդի նախագահ Շառլ Միշելը՝ այցելում Հայաստան, և այլն, և այլն:
Նրանք, մեր տեղեկությունների համաձայն, Մակունցին բացատրել են, թե ինչ պատմական հնարավորություն է ընձեռվել Հայաստանին վերջապես Ռուսաստանից կտրվելու, արևմտյան վեկտորի անցնելու համար, և թե ինչ մեծ առաքելություն ունի Մակունցն այդ ամենն ԱՄՆ աջակցության շնորհիվ Հայաստանում կյանքի կոչելու համար:
Այսինքն՝ այն աշխարհաքաղաքական շրջադարձը, որի մասին արդեն տևական ժամանակ խոսում են մի շարք քաղաքական գործիչներ ու փորձագետներ, քիչ-քիչ միս ու արյուն է ստանում, և արևմտյան դեսպանները տեղում ևս աշխատանքներ են իրականացնում՝ հանուն տարածաշրջանում աշխարհաքաղաքական վերադասավորումների:
Ի դեպ, հատկանշական է նաև այն հանգամանքը, որ արևմտյան դեսպանները հասկացրել են՝ եթե այս Կառավարությունն իրենց ակնկալիքներն արդարացնի, հետագայում ևս հիմնականում աչք կփակեն ՀՀ-ում հակաժողովրդավարական դրսևորումների վրա, ինչպիսիք են՝ ապօրինի կալանավորումները, շինծու քրեական գործերը, ՏԻՄ ղեկավարների նկատմամբ հարձակումները, ճնշումները և այլն: Այսինքն՝ Արևմուտքի ներքաղաքական աջակցությունը Փաշինյանի իշխանությանը դրված է կախվածության մեջ արտաքին քաղաքական վեկտորի փոփոխությունից՝ Արևմուտքը արտաքին քաղաքական վեկտորի հարցում կոնկրետ հույսեր ունի Նիկոլ Փաշինյանի իշխանությունից, որի համար պատրաստ է աչք փակել երկրում տեղի ունեցող հակաժողովրդավարական աղաղակող երևույթների վրա:
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...