Վերջին 6 ամիսների ընթացքում Հայաստանը լքել է 138 000 հայ, որից 80 000-ն՝ ընդմիշտ
Ռուսաստանում, ամենայն հավանականությամբ, ապրում է 1,8 - 1,9 միլիոն հայ: Այս մասին, հուլիսի 21-ին, NEWS.am-ին հյուրընկալվելով, TALK TIME հաղորդմանը տված հարցազրույցում ասաց քաղաքագետ Հրանտ Միքայելյանը:
Ընդ որում, նրա խոսքով, 2010 թվականի մարդահամարի տվյալներով՝ 1 միլիոն 182 000 հայ է եղել:
«Բացի այդ, 600-650 հազարը Հայաստանի քաղաքացիներ են: Միեւնույն ժամանակ, այս ընթացքում Ռուսաստանի քաղաքացիություն են ստացել մի քանի տասնյակ հազարավոր հայեր: Այսպես, կարող ենք ասել, որ Ռուսաստանի տարածքում ապրում է գրեթե 2 միլիոն հայ»,- պարզաբանեց Միքայելյանը` նշելով, որ, ըստ ընդունված գնահատման, Ռուսաստանում ավելի շատ հայ է ապրում, քան հենց Հայաստանում, թեեւ դա այդպես չէ:
Այնուհետեւ, քաղաքագետը նշեց, որ այս տարվա առաջին կեսին Հայաստանում բացասական հաշվեկշիռը կազմել է մինուս 138 000 մարդ, եւ դա միայն ավիափոխադրումների տվյալներով: Սա, ըստ վերլուծաբանի, բավականին լուրջ թիվ է, ինչը վկայում է միգրացիայի լուրջ աճի մասին:
«Հայաստանի համար սա բավականին լուրջ ցուցանիշ է: Ամենայն հավանականությամբ, նրանցից 80 000-ը երբեք չի վերադառնա հայրենիք: Սա չափազանց մեծ ցուցանիշ է 6 ամսվա համար»,- ասաց Միքայելյանը:
Երկրից հեռացած քաղաքացիների հիմնական մասը, ըստ քաղաքագետի, մեկնել է Ռուսաստան, քանի որ կորոնավիրի համավարակի պայմաններում ամենահեշտը այնտեղ գնալն է, հատկապես եթե հաշվի առնենք այն հանգամանքը, որ Ռուսաստանը հայերի համար ավելի բաց երկիր է:
«Բայց պետք է նշել, որ հայերի դիրքն այնտեղ զգալի անկում է արձանագրել, ընդ որում՝ ինչպես ոչ ֆորմալ, այնպես էլ ֆորմալ մակարդակով: Սրա պատճառը Ռուսաստանի եւ Հայաստանի միջեւ երկկողմ հարաբերությունների մակարդակի անկումն է: Եկեք սրանում մեզ չխաբենք: Պատճառները բոլորին հայտնի են: Պարզապես կան մարդիկ, ովքեր ցանկանում են իրենց աչքերը փակել այս ամենի վրա, կամ նույնիսկ ուրախանում են այն ամենով, ինչ տեղի է ունենում»,- ասաց Միքայելյանը:
Միեւնույն ժամանակ, փորձագետը նշեց, որ ՌԴ-ում, ինչպես նաեւ ամբողջ աշխարհում, պատերազմում վերջին պարտության հետ կապված, հայերի եւ Հայաստանի հեղինակությանը լուրջ վնաս է հասցվել:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...