ՊԵԿ նախագահը հրաժարակա՞ն է տվել
ՊԵԿ նախագահ Էդվարդ Հովհաննիսյանը, մեր տեղեկություններով, հրաժարականի դիմում է ներկայացրել: ՊԵԿ-ից մեր զանգերին չպատասխանեցին, որ պաշտոնապես հաստատեին տեղեկությունը, բայց մեզ որոշ մանրամասներ հայտնի դարձան Հովհաննիսյանի հրաժարականի վերաբերյալ, գրում է hraparak.am-ը:
Մասնավորապես, մեզ ասացին, որ Հովհաննիսյանն իր ազատման մասին իմացել է այսօր առավոտյան, կառավարության նիստից առաջ: Այսինքն` իր համար դա անակնկալ է եղել, որ պիտի ազատվի պաշտոնից:
Նիստից հետո նա գնացել է ՊԵԿ, ժամը 3-ին հավաքել աշխատակիցներին, ժողով արել ու հայտնել, որ հեռանում է:
Մեզ ասացին` դիմումն արդեն գրել ներկայացրել է Նիկոլ Փաշինյանին: Նրան նաև փորձել են մխիթարել, որ շատ ծանր թող չտանի` առանց պաշտոնի չի մնալու:
ՊԵԿ խոսնակ Լուսինե Մկրտչյանը մեզ ասաց, որ ինքը տեղեկություն չունի, և այս պահին ՊԵԿ նախագահն իր աշխատասենյակում աշխատում է: «Երբ պաշտոնական տեղեկություն լինի, կհրապարակենք»,- ասաց խոսնակը:
Նշենք, որ նիստից հետո Էդվարդ Հովհաննիսյանը, որ մշտապես իջնում էր գլխավոր մուտքով ու շփվում լրագրողների հետ, այս անգամ թեպետ նրան ներս մտնելիս տեսանք, բայց դուրս գալիս չտեսանք: Կառավարության նիստի մասնակիցները վաղուց դուրս էին եկել, բայց ինքը դեռ երկար ժամանակ դուրս չէր գալիս: Ասացին` վարչապետի հետ հանդիպում ունի, դրա համար է մնացել:
Շատերի համար այս պաշտոնաթողությունը տարօրինակ կլինի, քանի որ Էդուարդ Հովհաննիսյանը հավատարիմ ծառայել է Նիկոլ Փաշինյանին և անգամ նախընտրական փուլում քարոզարշավին ու ձայներ բերելուն է ակտիվ մասնակցել:
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...