Դատական դեպարտամենտի ղեկավարը ազատվե՞լ է, թե՞ ստիպել են ազատվել աշխատանքից
«Հրապարակ»-ը գրում է. «Դատական դեպարտամենտի ղեկավար Կարեն Փոլադյանը հուլիսի 19-ից ազատվելու է զբաղեցրած պաշտոնից։ ԲԴԽ-ից մեզ հայտնեցին, որ նա երկուշաբթի օրվանից այլեւս չի զբաղեցնելու այդ պաշտոնը։ Թե ինչու՝ ԲԴԽ խոսնակ Լիլիթ Շաբոյանն ասաց, որ այդ հարցը չեն մեկնաբանում․ «Մնացած բոլոր հարցերին կպատասխանի պարոն Փոլադյանը, եթե նպատակահարմար գտնի»։
Փորձեցինք ճշտել, թե ինչ ընթացակարգով է Փոլադյանն ազատվել պաշտոնից, ի՞նքն է ազատման դիմում գրել, թե՞ ասել են՝ գրի գնա։ «Ընթացակարգերի մասին հավելյալ տեղեկատվություն կհրապարակվի շուտով, կտեղեկանաք»,- ասաց նորանշանակ խոսնակը, որը մինչ ԲԴԽ տեղափոխվելը իրավական թեմաներ էր լուսաբանում եւ, վստահաբար, շատ դժգոհ կմնար ցանկացած խոսնակի այսօրինակ չինովնիկական պատասխաններից։ Փորձեցինք գոնե ստանալ մի հարցի պատասխան՝ Փոլադյանի դեմ քրեական գործ կա՞ հարուցված։
«Պարոն Փոլադյանը որեւէ քրեական գործով որեւէ կարգավիճակ չունի»,- ասաց նա՝ հիշեցնելով Պետական վերահսկողական ծառայության կողմից իրականացված ուսումնասիրության հիման վրա հարուցված քրեական գործի մասին։ Իսկ ՊՎԾ-ն հունիսի 29-ին հաղորդագրություն էր տարածել, որ ՀՀ բարձրագույն դատական խորհրդի աշխատակազմ` դատական դեպարտամենտում իրականացված պետական միջոցների կառավարման օրինականության վերահսկողության ուսումնասիրությունների արդյունքում պարզվել է, որ 2016-2018թթ. Դատական դեպարտամենտի ղեկավարի հրամաններով 9 աշխատակիցներ իբրեւ թե գործուղվել են ՀՀ տարբեր մարզեր:
Գործուղման ծախսերի հատուցման համար ներկայացնելով տարբեր տնտեսվարող սուբյեկտների կողմից տրամադրված՝ գիշերակացը հավաստող փաստաթղթեր՝ նրանք ստացել են առանձնապես խոշոր չափերի՝ ընդհանուր 41.934.000 ՀՀ դրամ գումար: Նշված ուսումնասիրությունը բավարար հիմք է տվել քրեական գործ հարուցելու համար, ուստի ՀՀ քննչական կոմիտեի հատկապես կարեւոր գործերի քննության գլխավոր վարչությունում ՀՀ քրեական օրենսգրքի 178-րդ հոդվածի 3-րդ մասի 1-ին կետով, 325-րդ հոդվածի 1-ին մասով, 314-րդ հոդվածի 1-ին մասով եւ 308-րդ հոդվածի 2-րդ մասով հարուցվել է քրեական գործ, եւ կատարվում է նախաքննություն: Իսկ Կարեն Փոլադյանը տեւական ժամանակ է՝ չի պատասխանում զանգերին։ Ի դեպ, տեղեկություններ կան, որ նրան փոխարինելու է արդարադատության նախկին փոխնախարար, Նիկոլ Փաշինյանի իրավական հարցերով օգնական Աննա Վարդապետյանը, որը վերջերս հայտնվել էր սկանդալում՝ կապված քրեական գործերին միջամտելու հետ, որը որպես իրավական աջակցություն ներկայացրին։ Այս հարցը եւս ԲԴԽ խոսնակը չմեկնաբանեց»։
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...