Փորձագետը գնահատել է հայ-ադրբեջանական սահմանին նոր միջադեպերի հավանականությունը
Կարծում եմ, որ երկու միջանցքների դիմակայության շրջանակներում (Հյուսիս-Հարավ եւ Արեւմուտք-Արեւելք) իրավիճակը չի հասնի լայնածավալ ռազմական գործողությունների: Այնուամենայնիվ, հնարավոր են առճակատումներ՝ անկայունության առանձին օջախների ձեւավորման, սահմանային միջադեպերի տեսքով: Դրանք կօգտագործվեն տրանսպորտային այս կամ այն ռազմավարությունը խթանելու համար: Այս մասին NEWS.am-ի թղթակցի հետ հարցազրույցում ասաց քաղաքական գիտությունների դոկտոր, էներգետիկ անվտանգության փորձագետ Վահե Դավթյանը՝ անդրադառնալով հայ-ադրբեջանական սահմանի Երասխի հատվածում այսօր տեղի ունեցած փոխհրաձգությանը, որի հետեւանքով հայ զինվոր է զոհվել:
Փորձագետը պարզաբանեց, որ միջանցքների դերակատարներն ու շահառուները ոչ միայն Ադրբեջանը, Թուրքիան, Իրանն են, այլ նաեւ ավելի խոշոր ուժեր: Այս պարագայում մենք խոսում ենք կոլեկտիվ Արեւմուտքի մասին, որը հանդես է գալիս Թուրքիայի կողմից Արեւելք-Արեւմուտք միջանցքի իրագործման օգտին:
Մյուս կողմից դա Չինաստանն է, որն անուղղակիորեն աջակցում է Հյուսիս-Հարավ միջանցքի նախագծի իրականացմանը՝ փորձելով պահպանել ազդեցությունը նաեւ Արեւելք-Արեւմուտք միջանցքում: «Այստեղ մենք գերտերությունների միջեւ բավականին կոշտ մրցակցության ենք ականտես լինելու: Չեմ կարծում, որ նրանց միջեւ անմիջական բախում տեղի կունենա: Ինչ վերաբերում է սահմանային գոտիներում լոկալ միջադեպերին, որոնցով պետք է անցնի այս կամ այն միջանցքը, ապա դրանք այն առանցքային գործիքակազմերն են, որոնք կարող են օգտագործվել այս մրցակցության ժամանակ», - ավելացրեց Դավթյանը:
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...