Հայ-ադրբեջանական սահմանի սահմանազատումն ու սահմանագծումը ներկա պայմաններում անհնար է. ՄԻՊ
Հայ-ադրբեջանական սահմանի սահմանազատումն ու սահմանագծումը ներկա պայմաններում փաստացի օրինականացնում է ՀՀ Սյունիքի եւ Գեղարքունիքի մարզերի համայնքների բնակիչների իրավունքների ոտնահարումը: Այս մասին հուլիսի 13-ին կայացած մամուլի ասուլիսի ժամանակ հայտնեց ՀՀ Մարդու իրավունքների պաշտպան Արման Թաթոյանը:
Ըստ նրա՝ ներկա պայմաններում պարզապես անհնար է սահմանների սահմանազատում եւ սահմանագծում իրականացնել, քանի որ դա կարող է հանգեցնել իրավիճակի էլ ավելի սրման, հատկապես սահմանամերձ գյուղերի բնակիչների իրավունքների ոտնահարման տեսանկյունից:
«Նրանց իրավունքները պետք է վերականգնվեն: Նշված գործընթացները պետք է իրականացվեն Հայաստանի տարածքից ադրբեջանական զինված ուժերի դուրսբերմանը զուգահեռ», - ընդգծեց ՄԻՊ-ը:
Ճիշտ է, Թաթոյանը նշեց, որ ինքը դեմ չէ սահմանների որոշմանը, սակայն, նրա կարծիքով, այս գործընթացը պետք է ճիշտ իրականացվի՝ առանց սահմանային համայնքների բնակիչների իրավունքների ոտնահարման:
Այսպիսով, սահմանների սահմանազատումն ու սահմանագծումը, ըստ նրա, անհնար է, քանի դեռ ադրբեջանցի զինվորականները շարունակում է ապօրինի կերպով գտնվել Հայաստանի ինքնիշխան տարածքում:
Այդ հայտարարությունները օգտակար չեն խաղաղության համատեքստում
Երգչուհի Սելին Դիոնը Փարիզում կայացած համերգի ժամանակ հուզվել է
Հաջորդ տարի SpaceX-ը տիեզերք կուղարկի Nvidia GB200 NVL72 արհեստական բանականությամբ համակարգիչներ
Էդգարիկը ոչ մի բարոյական իրավունք չունի․․․ (տեսանյութ)
KIDS Act օրենսդրական նախաձեռնությունը սահմանում է նվազագույն տարիքային շեմ
Օգտագործեք միայն համայնքի տրամադրած կամ շշալցված ջուր. Ավանեսյանը՝ Ծավի բնակիչներին
Էկոպարեկային ծառայողները կանխել են Բերդ քաղաքի բնակչի կողմից ապօրինի ծառահատման հետագա իրականացումը
ՀՀ-ն Գյումրիից ռուսական ռազմաբազայի դուրսբերման հարցով չի դիմել. Գալուզին
Էթնա հրաբխի ժայթքման պատճառով Կատանիա քաղաքի օդանավակայանը չվերթներ չի իրականացնում
Իջևանի անտառտնտեսության տարածքում հայտնաբերվել է ապօրինի փայտանյութով բեռնված մեքենա