Եթե հասարակությունը պասիվ դիրքորոշում որդեգրի, ապա դա կբերի Հայաստանի 3-րդ հանրապետության կործանմանը. քաղաքագետ
Արտահերթ խորհրդարանական ընտրություններում Նիկոլ Փաշինյանի հաղթանակով չի լուծվել այն ճգնաժամը, որը կար Հայաստանի Հանրապետությունում: Այս մասին NEWS.am-ի հետ զրույցում ասաց քաղաքագետ Գագիկ Համբարյանը` անդրադառնալով ետընտրական վիճակին ՀՀ-ում:
«Եթե ներքաղաքական առումով ինքն ամրապնդել է իր դիրքերը եւ փորձում է իր պողպատե մանդատն օգտագործել երկրի ներսում, ցավոք սրտի, նույնը չի կարելի ասել արտաքին քաղաքականության առումով, որովհետեւ արտաքին բոլոր կարեւոր ակտորները, թե΄ խոշոր գերտերությունները, որոնք մեր տարածաշրջանում ունեն իրենց շահերը, թե΄ տարածաշրջանային տերությունները, ինչպիսիք են Թուրքիան, Իրանը եւ Ադրբեջանը, որի առաջ ծնկեց Նիկոլ Փաշինյանը, արհամարհած ունեն Նիկոլ Փաշինյանի ստացած մանդատը, ավելին ասեմ, Թուրքիան եւ Ադրբեջանը ուղղակի հրճվանքի մեջ են, քանի որ Նիկոլ Փաշինյանը կարողացավ վերարտադրվել: Եւ իրենք ըստ կյանքի կանոնների օգտագործում են այն բոլոր հնարավորությունները, որը տալիս է իրենց Նիկոլ Փաշինյանի հաղթանակը, այսինքն ամեն ինչ ստանալ իրենց կողմից ստորացված ու նսեմացված ղեկավարից: Եւ դա նորմալ է, ես լինելով նաեւ պատմաբան, չեմ կարող նշել որեւէ քաղաքական լիդերի, ով պարտություն կրելով պատերազմում, արտաքին քաղաքականությունում ձեռքբերումներ ունենալ, կամ չեզոքացնել այն բոլոր վտանգները,որոնք ստեղծվել են պարտության պատճառով: Մենք դեռ կսպասենք խայտառակ գործընթացների, որոնք տեղի են ունենալու մեր արտաքին քաղաքականության ոլորտում եւ եթե հայաստանյան հասարակությունը պասիվ դիրքորոշում որդեգրի եւ ուրախությամբ ընդունի այն հանգամանքը, որ Նիկոլ Փաշինյանը նվիրելու է ադրբեջանցիներին իրենց ցանկացած տարածքները Տավուշի մարզում, Վայոց Ձորի եւ Սյունիքի ուղղություններում, ապա դա կբերի վերջնականապես Հայաստանի երրորդ հանրապետության կործանմանը եւ դեռ շատ հարցականի տակ կլինի հայերի ֆիզիկական գոյությունը Հայաստանում եւ Արցախում, էլ չեմ ասում, որ երազենք 4-րդ հանրապետության մասին»,- ասաց նա:
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...