«Ո՞վ է մորուքավոր «կապիկը», որ մեզ ստիպի հրաժարվել Աստծուց, Հայրենիքից, նախնիներից

Ռուսաստանաբնակ հայ մեդիագործիչ Արամ Գաբիրելյանովը իր տելեգրամյան ալիքում գրում է․ «Էմոցիաներն անցան։ Ժամանակն է, որպեսզի վերլուծենք Հայաստանում ստեղծված իրադրությունը։ Առաջին տպավորությունը․ կապիկների մորուքավոր արքան հաղթել է։ Նույնիսկ այդպես էլ չէ․ հայրենասերները պարտվել են։ Ոչ մեկին մեղադրել պետք չէ։ Միայն ինքներս մեզ։

Քոչարյանի դաշինքը հիանալի PR արշավ իրականացրեց։ Ամեն բան կար՝ ե՛ւ կարգախոսներ, ե՛ւ հանրահավաքներ, ե՛ւ տեսահոլովակներ։ Զրո հավակնություն։ Սակայն, ամբողջովին ձախողված են եղել «դաշտային աշխատանքները։ Նրանք, ովքեր աշխատել են «դաշտում», ես նրանց չեմ ճանաչում, սակայն նրանք բացարձակապես պատրաստ չեն եղել նման նախընտրական արշավի, այն դեպքում, երբ «կապիկները» խարդախում էին, ճնշում էին բոլորի վրա։ Կարճ ասած՝ մենեջմենթը զրոյական էր։

Ինչ է լինելու հետո։ Պայքար հանուն սեփական էթնոսի։ Հանուն ավանդույթների պահպանման։ Հանուն սեփական կրոնի պահպանման։ Մի անգամ, երբ հայրս ինձ խիստ պատժեց, ես հարցրեցի տատիկիս, իսկ երբ է կարելի հորը չլսել։ Նա պատասխանեց, որ այն ժամանակ, երբ հայրդ քեզ ասի, որ պետք է հրաժարվես քո Աստծուց, քո կրոնից, քո ընտանիքից, միայն այդ ժամանակ հորդ կարող ես ասել՝ ոչ։

Ո՞վ է մորուքավոր «կապիկը», որպեսզի մեզ ստիպի հրաժարվել Աստծուց, Հայրենիքից, նախնիներից։ Ամեն բան դեռ առջեւում է»։