«Ասել եմ՝ ազատման դիմում չեմ գրելու, դրանից հետո իմ հասցեին մարզպետի կողմից վիրավորանքների տեղատարափ է սկսվել. ինձ անվանել է ստոր, ստախոս». Մերի Շահազիզյան
«Ես չեմ պատրաստվում աշխատանքից ազատման դիմում գրել»,- Aravot.am-ի հետ զրույցում վստահեցրեց ՀՀ Արագածոտնի մարզպետարանի առողջապահության բաժնի պետ, դաշնակցական Մերի Շահազիզյանը: Նա հայտնեց, որ դիմել է նաև ՀՀ մարդու իրավունքների պաշտպանի գրասենյակ. «Դիմել եմ մարդու իրավունքների պաշպանին ոչ միայն աշխատանքային իրավունքների խախտման համար, այլև ինձ անձնական վիրավորանք են հասցրել, իմ ինքնասիրությունը, արժանապատվությունն են վիրավորել իմ հասցեին հնչած վիրավորական խոսքերով»:
Մերի Շահազիզյանը մարզպետարանում աշխատում է 2003-ից՝ որպես բաժնի առաջատար մասնագետ, իսկ որպես բաժնի պետ՝ 2018-ից:
Մեր հարցին՝ ո՞րն է եղել հիմնավորումը, երբ իրենից ազատման դիմում գրել են պահանջել, Մերի Շահազիզյանը պատասխանեց. «Ճիշտն ասած՝ հստակ պատճառ ես չեմ կարող նշել: Հիմնավորում չի եղել ոչ մեկի կողմից: Մարզպետն ինձ կանչել է, 15 րոպե ժամանակ տվել, որ ազատման դիմում գրեմ: Ես ասել եմ, որ դիմում չեմ գրելու: Եվ դրանից հետո իմ հասցեին մարզպետի կողմից արդեն վիրավորանքների տեղատարափն է սկսվել: Ինձ անվանել է ինձ ստոր, ստախոս և նման բազում վիրավորական բառեր է օգտագործել»:
Մերի Շահազիզյանն ասաց, որ այդ միջադեպը եղել է հունիսի 23-ին: Հետաքրքրվեցինք՝ հնարավո՞ր է, որ դա եղել է իր քաղաքական հայացքների համար, Մերի Շահազիզյանը պատասխանեց. «Ես իմ բնույթով ապաքաղաքական եմ և ընդհանրապես չեմ զբաղվում քաղաքականությամբ: Մանավանդ այս ընթացքում ընդհանրապես ոչ մեկի հետ ոչ զրուցել եմ այդ թեմաներով, որևէ մեկին ոչ ստիպել, ոչ հորդորել, ոչ պարտադրել, ոչ էլ խնդրել եմ որևէ բան այդ հարցերով: Այդ հարցերով ես ընդհանրապես չեմ զբաղվել»:
Մեր հարցին՝ հետևաբար ինչի՞ց սկսվեց մարզպետի պահանջը, առիթը ո՞րն էր, նա պատասխանեց. «Առիթը չեմ կարող ասել՝ որն էր, բայց մոտ մեկ տարի է արդեն ինքը փորձեր է անում, որ ինձ աշխատանքից ազատի՝ պատճառաբանելով, որ ես լավ չեմ աշխատում: Բայց իմ պաշտոնի անձնագրով նախատեսված բոլոր լիազորությունները, պարտականությունները ես պատշաճ կերպով կատարել եմ իմ աշխատանքի ընթացքում»:
Հետաքրքրվեցինք՝ իսկ իրավիճակը մարզպետարանում լարվա՞ծ է, մեր զրուցակիցը պատասխանեց. «Ընդհանուր չեմ կարող ասել: Մի քանի հոգի ազատման դիմումներ ներկայացրել են, բայց իրենց փոխարեն ոչինչ ասել չեմ կարող՝ պատճառը լարվածությունն է, թե ուրիշ խնդիր»:
Հարցին՝ հարկ եղած դեպքում դատարան դիմելո՞ւ է, Մերի Շահազիզյանը պատասխանեց. «Այո, անպայման»: Նա նաև հայտնեց, որ մարզպետի սպառնալիքները չեն շարունակվում: Խնդրի հետ կապված փորձեցինք նաև պարզաբանում ստանալ ՀՀ Արագածոտնի մարզպետարանից:
ՀՀ Արագածոտնի մարզպետի օգնական Մերի Բադալյանը հորդորեց հարցերը գրավոր ուղարկել, և իրենք սահմանված ժամկետներում կպատասխանեն: Առաջիկա օրերին կներկայացնենք նաև ՀՀ Արագածոտնի մարզպետարանի պարզաբանումը:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...