Անընդունելի է որևէ ենթադրյալ իրավախախտում արձանագրելու համար թույլ տալ մեկ այլ իրավախախտում
«Փաստ» օրաթերթը գրում է. «Հուլիսի 1-ից Հայաստանում գործում է բջջային հեռախոսով ճանապարհային երթևեկության կանոնների խախտում արձանագրելու կարգը: Սակայն activesociety.am վեբ կայքում հնարավոր է գրանցվել միայն eID կամ MOBILEID համակարգերի միջոցով։ Քաղաքացիները դժգոհում են, որ էլեկտրոնային նույնականացման քարտ կարդալու սարք, մեղմ ասած, ոչ բոլոր քաղաքացիներն ունեն: Երկրորդ դեպքում՝ պահանջվում է բջջային նույնականացման քարտ, որը տրամադրող կազմակերպությունը սպասարկում է միայն «Բիլայն» ընկերության համարներ, այն էլ՝ հատուկ քարտերով, այսինքն՝ քաղաքացին պետք է պարտադիր նոր քարտ գնի: Ստացվում է, որ քաղաքացիները, որոնք ցանկանում են արձանագրել իրավախախտումներ, հայտնվում են անհավասար պայմաններում, սահմանափակվում են օրենքից օգտվելու նրանց իրավունքները: Այս հարցով դիմել էինք ՀՀ ոստիկանություն, որտեղից ստացել ենք պատասխան, որ նման կարգավորմամբ որևէ խտրական մոտեցում չի դրվել:
«Նպատակ է հետապնդվել, որպեսզի բացառվի երրորդ անձի կողմից որևէ մեկ այլ քաղաքացու անձնական տվյալներով բջջային հավելվածի օգտատեր դառնալը, քանի որ հակառակի դպքում՝ օրինակ ֆինանսավարկային, ապահովագրական, ոտիկանության և այլ կազմակերպությունների և պետական մարմինների աշխատակիցները, ունենալով հասանելիություն որևէ անձի անձնական այս կամ այն (հարցմամբ որպես օրինակ նշված տվյալներին) տվյալներին, կկարողանային այլ անձի անունից գրանցվել որպես բջջային հավելվածի օգտատեր»,- ասված է պատասխանում։
Մեկ այլ հարց վերաբերում է այն հանգամանքին, որ լուսանկարահանելիս, տեսանկարահանելիս երթևեկության մեջ գտնվող վարորդն իր հեռախոսով որոշակի գործողություններ է կատարելու: Արդյո՞ք սա ինքնին իրավախախտում չէ: «Տրանսպորտային միջոցների վարորդների (բացառությամբ ծառայողական առաջադրանքներ կատարող, օպերատիվ ծառայությունների տրանսպորտային միջոցների վարորդների) կողմից թեկուզ մեկ ձեռքի օգտագործմամբ ընթացքի ժամանակ ռադիոկապից և (կամ) հեռախոսակապից օգտվելն ինքնին իրավախախտում է և անընդունելի որևէ ենթադրյալ իրավախախտում արձանագրելու համար թույլ տալ մեկ այլ իրավախախտում»,- պատասխանել են ոստիկանությունից։
Այսինքն, մեքենայի ընթացքի մեջ գտնվող վարորդը չի կարող արձանագրել խախտում: Մնում է հասկանալ, թե այդ դեպքում ինչպես է դա իրականացվելու, ում է վերաբերում այս օրենքը, ինչպես է գործելու և ինչի համար է գրվել ընդհանրապես»:
Մանրամասները՝ թերթի այսօրվա համարում
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...