Անգաղափար ու անղեկ․ մարդկանց մեծ մասը կարծում է, թե իր քվեն ոչ մի դերակատարում չունի․ մեկ է՝ լինելու է այն, ինչ որ պիտի լինի
«Հրապարակ» թերթը գրում է. «Մեր հասարակությանը, նրա մտածելակերպն ու հոգեբանությունը հասկանալու համար հարկավոր է լրջորեն ուսումնասիրել վերջին ընտրությունները։ Դա այն բանալին է, որը կօգնի հասկանալ, թե ով է 21-րդ դարի հայը, և ինչ է ուզում նա այս կյանքից։ Մեր հասարակությունը, իհարկե, շատ բազմաշերտ է, և այդ շերտերն իրարից անչափ տարբերվում են, սակայն հասարակության այն հատվածը, որի որոշումներից է կախված մեր՝ բոլորիս ապագան՝ մեծամասնությունը, բավականին ընդհանրություններ ունի, և դա է հարկավոր ուսումնասիրել։
Ըստ իս՝ հայ հասարակության մեծամասնությանը միավորում է մի կարևոր ընդհանրություն․ դա քամահրական վերաբերմունքն է ընտրությունների՝ որպես իշխանության ձևավորման գործիքի նկատմամբ։ Դա սեփական քվեի գիտակցության բացակայությունն է և այդ քվեն պատահական ազդակների ներքո բաշխելը։
Բավականին գրագետ ծանոթս, օրինակ, որը երդվյալ նիկոլական է, իր ձայնը տվեց «Հայաստան» դաշինքին, քանի որ մանկության ընկերոջ աղջկա անունը դաշինքի նախընտրական ցանկում էր։ Իսկ ցանկացած ապագաղափարական ընտրություն մերժելի է հավասարապես։
Նույնկերպ շատ ավելի մեծ թվով մարդիկ իրենց ձայնը տվել են իշխանություններին, մեկը՝ վախի, մյուսը՝ գլուխը պրծացնելու, երրորդը՝ ինչ-որ մեկից մուռ հանելու կամ ինչ-որ մեկին հաճոյանալու համար։ Այս ամենը վկայում է այն մասին, որ մարդկանց մեծ մասը կարծում է, թե իր քվեն ոչ մի դերակատարում չունի․ մեկ է՝ լինելու է այն, ինչ որ պիտի լինի։
Նրանք սկզբունքների, արժեքների, գաղափարի չեն ծառայում և իրենց քվեն էլ անարժեք բան են համարում, որն այսօր սրան են տալիս, վաղը կարող են մեկ ուրիշին տալ և բացարձակապես խղճի խայթ չունենալ, որ հենց իրենց մասնակցությամբ է ձևավորվել ապազգային ու երկիրն աղետի հասցնող իշխանությունը»։
Մանրամասները՝ թերթի այսօրվա համարում
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...