Աչաջուրի առողջության կենտրոնի տնօրենն ազատման դիմում է գրել
NEWS.am-ի տեղեկություններով՝ Տավուշի մարզի Աչաջուրի առողջության կենտրոնի տնօրեն, մանկաբարձ-գինեկոլոգ Կորյուն Վարդապետյանն այսօր՝ հունիսի 29–ին, աշխատանքից ազատման դիմում է գրել։ Մեր տեղեկություններով՝ ընտրություններից հետո Տավուշի մարզպետ Հայկ Ղալումյանը քաղաքական հայացքների համար ճնշումներ է սկսել գործադրել Վարդապետյանի նկատմամբ։
NEWS.am–ի հետ զրույցում Վարդապետյանը հաստատեց, որ ազատման դիմում է գրել.
«Ազատման դիմում գրելն իմ անձնական որոշումն է, հանգամանքներից ելնելով, որոշել եմ, որ ճիշտը դա է։ Պարզապես ուզում եմ աշխատատեղս փոխել»,–ասաց մեր զրուցակիցը՝ նշելով, որ ցանկանում է որոշ ժամանակ հանգստանալ, ապա նոր աշխատանք գտնել։
Անդրադառնալով իր քաղաքական հայացքներին, Վարդապետյանը նշեց, որ «Հայաստան» դաշինքի համակիրն է, սակայն այդ դաշինքի օգտին քարոզչություն չի արել։
Հիշեցնենք, որ նախորդ տարի Վարդապետյանը պայքարում էր, որպեսզի Աչաջուրի միակ ծննդատունը չփակվի, սակայն, առողջապահության նախարար Արսեն Թորոսյանի հրամանով, ծննդատան գործունեությունը կասեցվեց և բազմաթիվ բուժաշխատողներ զրկվեցին աշխատանքից։
Ի դեպ՝ հունիսի 20–ին կայացած արտահերթ խորհրդարանական ընտրություններում Աչաջուրում քվեարկությանը մասնակցած 1822 ընտրողից 1367-ը քվեարկել է «Քաղաքացական պայմանագիր» կուսակցության օգտին, իսկ 248–ը՝ «Հայաստան» դաշինքի։
Աշխարհի ամենահայտնի Խորհրդարանական ծեծկռտուքները (ֆոտոշարք)
Եթե օրենքի ընդունումը թույլ տա փրկել ընտանեկան բռնության թեկուզ մեկ զոհի կյանք, ուրեմն միանշանակ պետ...
Նիդերլանդները հրաժարվել է մասնակցել «Եվրատեսիլ 2027»-ին
Բրազիլիայի նախագահի թեկնածուն լքել է երկիրը ընտրություններում պարտվելուց հետո
Էլեկտրաէներգիայի ընդհատումներ կլինեն Երևանում և մարզերում
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Նիդերլանդների Թագավորության արտաքին գործերի նախարարն այցելել է Moon Rose ջերմոցային տնտեսություն
Նոր նշանակում՝ Երևանի Նիկոլ Աղբալյանի անվան թիվ 19 դպրոցում
Սահմանադրական դատարանի նախագահի ընտրության հարցով նիստը տեղի կունենա նոյեմբերի 6-ին
ՀԱՊԿ- ից Հայաստանին պետք է հեռացնել. Բորդյուժան՝ «ՌԻԱ Նովոստիին»