Հրդեհների թիվն ավելի քան 43%-ով ավելացել է
ՀՀ արտակարգ իրավիճակների նախարարությունում հունիսի 28-ին նախարարի պաշտոնակատար Անդրանիկ Փիլոյանի գլխավորությամբ կայացել է փրկարար ծառայության գործունեության ամենամսյա արդյունքների ամփոփումը: Մինչ հաշվետու ժամանակահատվածի վերաբերյալ զեկույցը՝ Փրկարար ծառայության տնօրեն Արմեն Գասպարյանը ներկայացրել է 2021 թվականի առաջին կիսամյակում գրանցված հաջողությունները:
Նա տեղեկացրել է, որ հանրապետության տարածքում ուսումնասիրվել են 101 ապաստարաններ, ձեռք է բերվել և համայնքներում տեղադրվել 204 նոր էլեկտրաշչակ, որից 100-ը` Երևանում: Վերականգնվել են Արցախի ՆԳՆ արտակարգ իրավիճակների պետական ծառայության և ՀՀ արտակարգ իրավիճակների նախարարության միջև գործող ներքին հեռախոսակապի ու թվային ռադիոկապի օպտիկամանրաթելային կապուղիները, որոնք վնասվել էին Ադրբեջանի կողմից 44-օրյա պատերազմի ընթացքում: Հունիսի 1-ից 27-ը Ճգնաժամային կառավարման ազգային կենտրոնի «911» ծառայությունում ստացվել է 45 784 զանգ. զեկուցել է կենտրոնի պետ Արսեն Մկրտչյանը: Հակահրդեհային ազդարարման համակարգերով սպասարկվել է 384 ահազանգ, որից 376-ը վերաբերել են հրդեհի առաջացմանը կամ դրա սպառնալիքին:
Հաշվետու ժամանակահատվածում հանրապետությունում գրանցվել է 1491 արտակարգ դեպք և պատահար, որից միայն 1013-ը վերաբերել են հրդեհներին (2020թ.` 707), իսկ 367-ը՝ ՃՏՊ-ներին (2020թ.` 308): Հրդեհների ցուցանիշի աճի հետ կապված Ա. Փիլոյանը հանձնարարել է խոտածածկ տարածքներում, անհրաժեշտության դեպքում, իրականացնել հսկվող այրումներ՝ հետագա մեծ հրդեհներից խուսափելու համար: «Այն վայրերում, որտեղ հրդեհը կարող է վնասել բնակչությանը, շինությունները կամ արտադրական ձեռնարկությունները, մենք ինքներս պետք է ցուցաբերենք որոշակի նախաձեռնություն»,- նշել է Ա.Փիլոյանը:
Նա միաժամանակ ուշադրություն է հրավիրել լողասեզոնի ընթացքում Սևանում հերթապահության իրականացմանը: Հունիս ամսվա գործունեության արդյունքները ներկայացրել են նաև մարզային փրկարարական վարչությունների ղեկավարները: Խորհրդակցության ընթացքում քննարկվել են նաև Տավուշի և Նոյեմբերյանի հրշեջ-փրկարարական ջոկատների օպտիմալացման վերաբերյալ հարցեր: Նիստի ավարտին Անդրանիկ Փիլոյանը շնորհակալություն է հայտնել Երևան քաղաքի փրկարարական վարչությանն այս տարի մայրաքաղաքի տարբեր հատվածներում բռնկված հրդեհների դեմ պայքարի և պատվաստումների գործում ակտիվ մասնակցության համար:
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...