Ռազմագերիներին վերաբերող ցանկացած հարց պետք է ծանրակշիռ քննարկել, դիտարկել առաջարկի իրատեսական լինելը
Շնորհակալ ենք փաստաբաններից մեր հարազատներին աջակցելու պատրաստակամության համար, բայց ռազմագերիներին վերաբերող ցանկացած հարց պետք է ծանրակշիռ քննարկել, դիտարկել առաջարկի իրատեսական լինելը: Այս մասին Tert.am-ի հետ զրույցում ասաց գերեվարված Մելս Ամբարդարյանի եղբայրը՝ Տիգրան Ամբարդարյանը՝ անդրադառնալով մի խումբ փաստաբանների հայտարարությանը, թե պատրաստ են Բաքվի դատարանում պաշտպանել հայ ռազմագերիների շահերը:
«Ուզում եմ հիշեցնել, որ մենք թե՛ նստացույցի ժամանակ, թե՛ դրանից առաջ հայտարարում էինք, որ պահանջում ենք՝ Ադրբեջանում մեր տղաների գործերին հետևեն միջազգային դիտորդները, մեր տղաների հետ աշխատեն նաև հոգեբանները: Մինչ մեր նստացույցը որևէ հայ փաստաբան առաջարկությունով հանդես չեկավ, հիմա առաջարկներ են հնչեցնում, որոնք պետք է քննարկենք, հասկանանք՝ դրանից կարող ենք տուժե՞լ, թե շահել:
Իրավապաշտպաններ Սիրանուշ Սահակյանի, Արտակ Զեյնալյանի հետ ևս պետք է քննարկել: Միջազգային հանրությունից պահանջում ենք, որպեսզի դիտորդներ ուղարկեն ադրբեջանական դատարան, որպեսզի Ադրբեջանը մեր տղաներին չդատի այնպես, ինչպես ուզում է», -մանրամասնեց նա:
Տիգրան Ամբարդարյանի խոսքով՝ Ադրբեջանը չի հետևում Ժնևյան կոնվենցիային, ուստի միջազգային ճնշումը չպետք է ուշանար:
«Փորձում են ահաբեկիչ ներկայացնել և հենց այդ հոդվածով էլ դատել: Բացի այդ Շիրակի խմբի տղաներին գերեվարել են հայտարարության ստորագրումից հետո»,-եզրափակեց նա:
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...