Արագածավանում, 4 օր է, նույնիսկ գումարով խմելու ջուր չեն կարող ձեռք բերել
Արագածոտնի մարզի Արագածավան համայնքից ահազանգում են՝ 4 օր է, խմելու ջուր չունեն։ Համայնքի բնակիչներից մեկը 168.am-ի հետ զրույցում փոխանցեց նաև, որ Արագածավանի բնակչության շուրջ 95 տոկոսն օգտվում է հատուկ մեքենաներով Թալինից իրենց համայնք բերվող ջրից, ամեն օր մեքենան շրջում է գյուղերով, և մարդիկ տարաներով ջուր են գնում․
«1 ֆլյագեն՝ 40 լիտրը, 350 դրամ է․․․ Հունիսի 21-ից մեքենաները չեն եկել, արդեն 4 օր է՝ խմելու ջուր չունենք, էս պահին մի բաժակ ջուր է տանը։ Պատճառաբանում են, որ Թալինի կուտակման հորերում ջրի սակավության խնդիր կա, ջուր չկա․․․»։
Արագածավանի բնակիչը նաև տեղեկացրեց, որ, եթե նախկինում 1 օրում 2 մեքենա էր գյուղ մտնում, երբեմն էլ յուրաքանչյուր մեքենան՝ 2 անգամ, ապա այսօր ընդամենը 1 մեքենա է մտնում, այն էլ մասնավոր է, դրա համար ոչ բոլորն են կարողանում օգտվել․
«Հացի փուռ կա Արագածավանում, այդ փռի տերը իր սեփական մեքենայով (ցիստեռնով) Թալինից ջուր է բերում, մարդիկ էլ ով շուտ իմանում է, մեքենա ունի, գնում ջուր է առնում։ Ստացվում է, որ ով մեքենա չունի, կամ տարեց մարդիկ են, չեն կարողանում ջրից օգտվել․․․ Հատկապես հիմա, երբ ահավոր շոգ է ու ծիրանի սեզոնն է․․․»։
Արագածավան համայնքի ղեկավար Անդրանիկ Պապիկյանը 168.am-ի հետ զրույցում հաստատեց գյուղացու փոխանցած տեղեկությունը.
«Սարի ջուրը պակասել է, այդ բասեինը չի լցվում, որ ջուր հասնի։ Ամեն օր 3-4 անգամ ջուր էին բերում, բայց այսօր բերում են 1 անգամ, չկա էլի․․․ Ոչ անձրև եկավ, ոչ ձյուն եկավ, սպասվում էր նման բան։ Բայց այնպես չէ, որ անելանելի վիճակ է, մենք արտեզյան ջուրը շուրջօրյա մատակարարում ենք, 50-60 տարի է՝ ժողովուրդն այդ ջրից խմում են․․․»։
Համայնքի ղեկավարից հետաքրքրվեցինք, թե արդյոք ջրի բաշխումը համակարգվո՞ւմ է, որպեսզի այնպես չստացվի, որ մի բնակիչն ամեն օր ջուր ստանա, մյուսը՝ ոչ։
«Համակարգվում է փողոցներով․ Պահանջվող քանակ չեն տալիս, քիչ-քիչ են տալիս, որ գոնե բոլորին յոլա տանենք։ Այսօր կանգնել էի ցիստեռնի կողքը, ֆլյագեքը չենք լցրել, վեդրոներով՝ 1 վեդրո, 2 վեդրո, որ բոլորին կարողանանք խմելու ջրով ապահովենք․․․»։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...