Թուրքիան ցամաքեցնում է Հայաստանի ջրերը
Հայաստանի ջրերն արեւելքում իրենով է արել թշնամի Ադրբեջանը, արեւմուտքում՝ թշնամի Թուրքիան։ Արաքսի ջրերի վրա Թուրքիայի խաղերը քիչ էին, հիմա էլ Կարսում կառուցվող ջրամբարը ցամաքեցնում է Ախուրյանը։
«Էկոմեդիա» լրագրողական ցանցի համահիմնադիր Նարինե Կիրակոսյանը Yerkir.am-ին հայտնեց, որ Ախուրյանի ջուրը հասնում է մինչեւ Արարատի մարզ։ Այդ հատվածում ջրերի 30-40 տոկոս նվազում է գրանցվել։
«Նույնիսկ ժամանակ եղավ, երբ Թուրքիան ավելի շատ ջուր վերցրեց, քան մենք։ Արդյունքում կրիտիկական վիճակի եկավ ջրամբարի ջուրը։ Ջրի սակավությունից, թթվածնի պակասի ձկներն էին դուրս եկել»,-ասաց Նարինե Կիրակոսյանը։
Հայաստանը համարվում է ջուր արտադրող երկիր, քանի որ լեռնային է, եւ ձնհալը լցվում է Հայաստանի ջրային ավազան։ Բայց հարկ է հաշվի առնել, որ այստեղ ջուրը երկրում պահելու համար ջանք չի գործադրվում, Թուրքիան որքան ուզում վերցնում է, ինչ մնում է, գալիս է Հայաստան, այստեղից էլ, խառնվելով մեր ջրի պաշարներին, հոսում թշնամի Ադրբեջան։ Դրանից բացի, թշնամին այսօր նստել է մեր ջրի պաշարների գլխին, մի մասն էլ կապիտուլյացիայի փաստաթղթով անցավ թշնամուն։
«Թշնամին եկել նստել է Սյունիքի եւ Գեղարքունիքի ձնհալ ունեցող սարերի վրա, ինչը շատ մտահոգիչ է, որովհետեւ սկզբում գետակներն են ձեւավորվում, հետո վտակները, գետերը, հետո ընդհանուր գնում մեծ գետ։ Պետք է էս վտանգը շատ արագ վերացնել, քանի որ լեռները, որտեղ ջրագոյացություններ են լինում, թշնամին այդտեղ նստած է»,-նշեց «Էկոմեդիա» լրագրողական ցանցի համահիմնադիր Նարինե Կիրակոսյանը։
Թուրքիան, ագրոէկոլոգ, փորձագետ Գալուստ Նանյանի խոսքով, այսպիսով խախտում է միջազգային մի շարք պարտավորություններ եւ խմում Հայաստանի ջուրը։
«Թուրքիան խախտում է մի շարք համաձայնագրեր, այդ թվում՝ «Անդրսահմանային ջրային հոսքերի և միջազգային լճերի պաշտպանության և օգտագործման մասին կոնվենցիան», որին միացել են նաեւ տարածաշրջանի երկրները։ Թուրքիան փորձում է ամբողջ անդրսահմանային ջրի պաշարներն իրենով անել»,-Yerkir.am-ին ասաց Գալուստ Նանյանը։
Էկոնոմիկայի նախարարի պաշտոնակատարն այսօր ասել է՝ տեղյակ է այդ խնդրի մասին, քայլ են անում։ Բայց թէշնամու հետ բարեկամություն անողը չի մտածում, թե գյուղացին ցամաքող գետով ոնց է ջրելու ցանքը։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...