Արարատի մարզում ռեպրեսիաներ է սկսել մարզպետ Ռազմիկ Թևոնյանը․ նա առանձին-առանձին իր մոտ է կանչում մարզի ՀՀԿ-ական գյուղապետերին և հորդորում դիմում գրել, հեռանալ
«Երեկ առավոտից Արարատի մարզում ռեպրեսիաներ է սկսել մարզպետ Ռազմիկ Թևոնյանը. նա առանձին-առանձին իր մոտ է կանչում մարզի ՀՀԿ-ական գյուղապետերին, հատկապես նրանց, ովքեր ընտրություններին ակտիվություն են ցուցաբերել և աջակցել իրենց կուսակցական թևին՝ «Պատիվ ունեմ» դաշինքին: Համայնքների ղեկավարներին ասել է՝ «լավով» դիմում գրեք, հեռացեք: Համայնքապետերի պատասխանը եղել է. «Մենք ընտրված մարդիկ ենք, դիմումով չենք եկել, որ դիմումով էլ հեռանանք»:
Բոլորը բացասական պատասխան են տվել մարզպետին: Վերջինս ասել է, որ, միևնույն է՝ շուտով նրանց պաշտոնավարման ժամկետը լրանալու է, այլևս ընտրություն չի լինելու, նշանակովի է լինելու, և իրենք այլևս չեն նշանակվելու: Թե այդ երբ և ինչպես է փոխվել ՏԻՄ օրենքը, հայտնի է միայն, հավանաբար, Թևոնյանին, որն իրեն կարծում է նախկին «ռայկոմի քարտուղար», գյուղապետերին էլ՝ «գյուղսովետի նախագահներ»: Տեսնելով, որ համայնքապետերը չեն համաձայնում իրենց դիմումի համաձայն հեռանալ, Թևոնյանը զգուշացրել է՝ դե, դուք գիտեք, էսա Երևանից Վերահսկողական ծառայությունից ստուգողներ կգան, ու ոնց էլ լինի՝ ամենքիդ վրա մի բան կգտնեն: Համայնքապետերը, սակայն, որոշել են չհանձնվել:
Ռազմիկ Թևոնյանը Նիկոլ Փաշինյանի հանրահավաքների ժամանակ մարզի գյուղացիներին Երևան բերելու համար գայթակղում էր, թե՝ ճանապարհին պատիվ կտամ, ուտել-խմելով կգնաք: Մարդիկ էլ, գործից հետո քյաբաբ ուտելով, զրուցելով գալիս էին հրապարակ: Մի խոստում էլ էր տալիս Թևոնյանը գյուղացիներին, թե խանութներում ունեցած նրանց «նիսյաներն» ինքը կփակի: Բնակիչները, սակայն, սրան քիչ են հավատում: Ավտոբուսում անգամ կատակել են՝ փակող է, թող իրա գործարանի խաղողի նիսյաները փակի, որից արդեն գյուղացիները ձեռք են քաշել:
Հիշեցնենք, որ Թևոնյանը սեփականաշնորհման տարիներին բավականին էժան գնով ձեռք էր բերել Երասխի գինու գործարանը, քանի որ ՀՀՇ-ի իշխանության տարիներին նրա թուրն աջ ու ձախ կտրում էր: Արարատի մարզի գյուղացիներից շատերը խաղող են մշակում, և ժամանակին այն մթերում էր նաև Ռազմիկ Թևոնյանի գործարանը, բայց գյուղացիների փողերը չէր տալիս: Մեր աղբյուրն ասում է, որ իր դուռը գնացած գյուղացիներին Թևոնյանը դիմավորում էր զենքով ու ասում՝ գնացեք, «արաղով քիչ-քիչ կփակվեմ», և յուրաքանչյուրի ձեռքն իր գործարանի արտադրության մի քանի շիշ օղի էր տալիս ու ճանապարհում»,-գրում է թերթը։
Մանրամասները՝ թերթի այսօրվա համարում։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...