Ռուսաստանի վճռորոշ ներդրման շնորհիվ կանգնեցվեց Լեռնային Ղարաբաղում հակամարտությունը. Պուտին

ՌԴ նախագահ Վլադիմիր Պուտինն ընդգծել է, որ Լեռնային Ղարաբաղի հակամարտությունը կանգնեցվել է Ռուսաստանի վճռորոշ ներդրման շնորհիվ: Այս մասին ռուս նախագահը հայտնել է Միջազգային անվտանգության հարցով մոսկովյան համաժողովի շրջանակում, հաղորդում է «ՌԻԱ Նովոստի»-ն։

«Ռուս խաղաղապահները հուսալիորեն երաշխավորում են անվտանգությունն ու խաղաղությունը տարածաշրջանում, շատ բան են անում հումանիտար իրավիճակի բարելավման, տարածքի ականազերծման, սոցիալական ենթակառուցվածքների վերականգնման համար»,- ասաց Պուտինը:

Նա հավելել է, որ Ռուսաստանը «չի մոռանում պատասխանատվության մասին, որը կրում է հարևան երկրների անվտանգության և զարգացման համար, որոնց հետ իրենց միավորում են անքակտելի պատմական, մշակութային, մարդկային կապերը»:

Նա նաև հավելել է, որ ռուսական կողմը մտադիր է հետագայում ևս նպաստել տարածաշրջանային հակամարտությունների ապաէսկալացիային, խաղաղության և կայունության ամրապնդմանը Եվրասիական մայրցամաքում։