«Թող ինձ ապացուցեն, որ ես սխալ եմ՝ սխալ եմ արտահայտվել». Շուռնուխի գյուղապետը՝ Նիկոլ Փաշինյանի հայտարարության մասին
Նիկոլ Փաշինյանը հունիսի 15-ին նախընտրական քարոզարշավի շրջանակներում Սյունիքի մարզում էր։ Նա ելույթ ունեցավ Գորիսում, Որոտանում և մի քանի այլ համայնքներում, ի տարբերություն այլ բնակավայրերի, Որոտանում նրա ելույթը չէր ուղեկցվում մուրճով։ Այս անգամ ևս Նիկոլ Փաշինյանի ելույթները հնչում էին սպառնալիքներով, այս դեպքում՝ ուղղված Սյունիքի որոշ համայնքապետերի։ Ինչպես Նիկոլ Փաշինյանն իր խոսքում ասաց՝ որոշ համայնքապետերի սպասում են քրեակատարողական հիմնարկները։
Այցի ընթացքում Նիկոլ Փաշինյանը չի այցելել Շուռնուխ, որը բաժանված է երկու մասի՝ գյուղի մի մասի վրա հսկողություն են սահմանում թշնամու զինուժի ներկայացուցիչները։
168.am-ի հետ զրույցում Շուռնուխի գյուղապետ Հակոբ Արշակյանն ասաց, որ հավանաբար Շուռնուխ այց Նիկոլ Փաշինյանը չի նախատեսել, նա անցել է այդ ճանապարհով ու չի կանգնել՝ գյուղ չի մտել։
«Ես չեմ կարող ասել, ինչու նա Շուռնուխ չի մտել։ Չեմ կարող ասել նաև, թե Շուռնուխից նրա հետ հանդիպման գնացել են, թե՝ ոչ, չեմ կարծում՝ գնացած լինեն»,- ասաց Հ. Արշակյանը։
Ինչ վերաբերում է Նիկոլ Փաշինյանի սպառնալից հայտարարությանը, թե շատ համայնքապետերի սպասում են քրեակատարողական հիմնարկները, և հարցին՝ այս ամենն իրեն որևէ կերպ կաշկանդելո՞ւ է ազատ իր խոսքն ասելու իշխանություններին, Հակոբ Արշակյանը նախ ծիծաղեց, այնուհետև պատասխանեց.
«Դե, իրենցից ամեն ինչ սպասելի է, հնարավոր է, ոչինչ չի բացառվում։ Երբ մարդ լսում է իր խղճին ու հասկանում է, որ ճիշտ է ասում, ինչպես կարող է կաշկանդվել, թող ինձ ապացուցեն, որ ես սխալ եմ, սխալ եմ արտահայտվել, ամեն մարդ իր զգացածն է ասում, արտահայտում։ Պետք չէ մարդու կամքին բռնանալ ու ասել՝ ինչպես խոսի»։
Ինչ վերաբերում է Շուռնուխի ընդհանուր իրավիճակին, Հակոբ Արշակյանն ասաց, որ մարդիկ սառած են, չեն հասկանում՝ ինչ է կատարվում։
«Հատկապես այս ընտրությունների ֆոնին մարդիկ չեն հասկանում, թե իրենց հետ առհասարակ ինչ է կատարվում»,- եզրափակեց Հակոբ Արշակյանը։
Հիշեցնենք, Արցախի 44-օրյա պատերազմից հետո, Պաշտպանության նախարարության և Նիկոլ Փաշինյանի հրահանգով Սյունիքում թշնամուն են զիջել հայկական բոլոր շահեկան դիրքերը՝ Սյունիքի անվտանգության գոտին։
ՊՆ պաշտոնատար անձը մեղադրվում է շուրջ 160 միլիոն դրամ արժողությամբ գույքի հափշտակության մեջ
Աշխատանքի հնարավորություն՝ ՊԵԿ հեռախոսազանգերի կենտրոնում
94 տարեկանում մահացել է սպարապետ Վազգեն Սարգսյանի հայրը
Թրամփը վախենում էր Վենեսուելայում ռազմական գործողության ձախողումից. NYT
Վարչապետ Նիկոլ Փաշինյանը պատասխանում է լրագրողների հարցերին
26 տարիների ընթացքում ձեռնադրվել է 491 հոգևորական, որոնք այսօր ծառայում են Հայաստանի և սփյուռքի թեմե...
Լոռու մարզում վերջերս նկատված ազնվացեղ եղջերուն վերադարձվել է «Դիլիջան» ազգային պարկ
2025-ի դեկտեմբերին Հայաստան է այցելել 139 հազար 933 զբոսաշրջիկ
Ծառուկյանի դեմ մենամարտում վաստակածս գումարն ինձ համար ռեկորդային էր․ Շարա Բուլետ
Կառավարությունը քաղաքացիներին գումար չի բաժանում․ ՀՀ ԱՍՀ նախարարությունը հերքում է սոցցանցերում տարա...