Մենք գալիս ենք՝ ստեղծված տնտեսական ճգնաժամը հաղթահարելու և արտագաղթը կանխելու համար․ Ռոբերտ Քոչարյան
Այս քաղաքն ադամանդագործների քաղաք է, այստեղ գալիս էի գործարաններ այցելելու համար, քանի որ բազմաթիվ խոշոր ներդրումային ծրագրեր են իրականացվել հենց այստեղ։ Այս մասին Նոր Հաճըն քաղաքում ընտրողների հետ հանդիպմանն ասաց «Հայաստան» դաշինքի առաջնորդ, ՀՀ երկրորդ նախագահ Ռոբերտ Քոչարյանը։
Նա հիշեցրեց, որ ադամանդագործության ոլորտում աշխատում էր մոտ 4000 մարդ, իսկ այսօր մնացել են նախկին ծավալների ընդհամենը 7-10 տոկոսը։
«Արդար չէ այդ մասնագետների հանդեպ, նրանք այսօր մնացել են անգործ և ստիպված են մեկնել հայրենիքից՝ ուրիշ տեղ աշխատելու համար։ Աշխատանքը պետք է բերել մարդու մոտ, այլ ոչ թե ամեն մեկն աշխարհով ընկնի այդ աշխատանքը փնտրելու։ Փորձելու ենք և համոզված եմ, որ ի վիճակի ենք անել։ Այս ոլորտում ձեր ունեցած փառքը վերականգնվելու է։ Մենք գալիս ենք՝ ստեղծված տնտեսական ճգնաժամը հաղթահարելու համար, տարեկան տասնյակ հազարավոր նոր աշխատատեղեր ստեղծելու համար, գալիս ենք գործազրկության դեմ պայքարելու համար և արտագաղթը կանխելու համար», - հայտարարեց Քոչարյանը։
Նա շարունակեց, որ «Հայաստան» դաշինքը գալիս է նաև երկիրն անվտանգ դարձնելու համար։
«Հանրապետությունում երևի թե չկա գոնե մի քաղաքացի, որ ունենա անվտանգության լիարժեք զգացում։ Վերականգնելու ենք բանակը և սահմանների անվտանգությունը», - նշեց նախագահը։
Երրորդ կարևոր բաղադրիչը․ երկրում ստեղծված նման նյարդային լարվածության մթնոլորտում և միմյանց նկատմամբ ատելության պայմաններում հնարավոր չէ արարել, աշխատել և բարիքներ ստեղծել։ Մենք ոչ ոքի չենք բաժանում սևերի ու սպիտակների, բայց մենք ասում ենք, որ կա մի քաղաքական ուժ, որի հիմնական նպատակը հենց դա է՝ բաժանել։ Միգուցե նաև՝ բաժանելով՝ տիրել, բաժանելով՝ այլ շահեր հետապնդել։ Մենք չափազանց բարձր գին ենք վճարել այս ամենի համար, և մեր նպատակն է վերանորոգել սա, բուժել այս տարիների ընթացքում ստացած վերքերը, հույս ու հավատ ներշնչել մեր ժողովրդին։ Վստահե՛ք մեզ, մենք մի քանի անգամ արդեն ապացուցել ենք, որ կարող ենք այդ ամենն անել։ Մեր քվեաթերթիկի համարը 24 է։ Դուք մեզ պարտադրելու եք աշխատել 24 ժամ, իսկ արդյունք ստանալու համար մենք ստիպված ենք լինելու աշխատեցնել ձեզ։ Արդյունքում շահելու է մեր երկիրը և այն փոքրիկները, որոնց համար մեր կյանքը իմաստավորվում է։ Դեպի բարեկեցիկ, անվտանգ ու ուժեղ Հայաստան։ Ամեն ինչ լավ է լինելու», - եզրափակեց նախագահը։
Դաշտ են դուրս գալիս ձեւիստները
Հայաստանի քաղաքացիները հայտնվել են ռուսական անձնագիր ստացողների թոփ-5-ում
Ում դրոշը պետք է երեւա սահմանի այն կողմում
Քաղաքապետարանի ավտոբուսների մասնակցությամբ ամեն 2-րդ վթարի մեղավորը ավտոբուսի վարորդներն են
Երևան-Մոսկվա չվերթի ինքնաթիռում ոչ ադեկվատ վիճակում գտնվող ուղևորը ձերբակալվել է
61 միլիոն եվրո․ Մբապեն դատարանում հաղթել է ՊՍԺ–ին
Քիմ Քարդաշյանին ծաղրել են SKIMS-ի գովազդում չափից դուրս նիհար Սանտա Կլաուսի պատճառով
Լուկաշենկոն խոսել է նախագահի պաշտոնից հեռանալու մասին
ՍԱՏՄ-ն անհայտ ծագման միս է առգրավել ու ուղարկել ոչնչացման (տեսանյութ)
Հոգեբուժական փորձաքննությունը հաստատել է, որ Լարիսա Դոլինան վաճառել է բնակարանը հոգեկան անառողջ վիճա...