Հեռացա, որովհետև հասկացա, որ պոպուլիզմը էվոլուցիա ապրեց և վերանվանվեց Նիկոլիզմ, որը շատ վախենալու բան է. Վանեցյանը՝ Սոլովյովին
«Նիկոլ Փաշինյանը, որը ցավոք, մինչև հիմա զբաղեցնում է վարչապետի աթոռը, նա մշտապես խաբում է, ստելը նրա կրեդոն է, բացի խաբելուց ոչինչ չի կարող անել։ Նրա ստի պատճառով մենք մշտապես վատ հետևանքներ ենք ունեցել»,- այս մասին հայտնել է «Պատիվ ունեմ» դաշինքի վարչապետի թեկնածու Արթուր Վանեցյանը՝ Վլադիմիր Սոլովյովի hետ հարցազրույցում։
Հաղորդավարը հիշեցրեց, որ Վանեցյանը ղեկավարել է ԱԱԾ-ն, սակայն պաշտոնից հրաժարվել, ապա գեներալ-մայորին մեղադրել են Շուշին հանձնելու մեջ, բայց մեղադրանք չի առաջադրվել։ Վանեցյանը նշեց, որ պաշտոնի նշանակվել է 2018-ի հեղափոխությունից հետո.
«Այդ ժամանակ ժողովրդի մեծամասնությունը պաշտպանում էր Նիկոլ Փաշինյանին և նա փողոցից եկավ իշխանության։ Պոպուլիզմի մեծ չափաբաժին կար, որը իմ կարծիքով, այդ ժամանակ հնարավոր էր ճիշտ ձևով օգտագործել, և մարդկանց հույսը, որ Հայաստանի համար ամեն ինչ լավ կլինի, դրանից պետք էր օգտվել ու այնպես անել, որ Հայաստանը ծաղկի»։
Դիտարկմանը՝ ինչո՞ւ Փաշինյանը Վանեցյանին ազատեց պաշտոնից, Վանեցյանը նշեց, որ իրեն չեն ազատել, ինքն է հեռացել։ Նա պատմեց, որ ընդունել էր պաշտոնի առաջարկը ու հասկացել, որ այդ գործընթացում կարևոր դերակատարում ունի։ Պարզապես պատասխանատվություն էր վերցրել և փորձում էր առաջ գնալ։ Աշխատանքը ԱԱԾ-ում՝ Վանեցյանը էֆեկտիվ որակեց։
«Նա եկավ իշխանության և ասաց, որ կոռուպցիայի դեմ պետք է աշխատել։ Ես հեռացա, որովհետև հասկացա, որ պոպուլիզմը էվոլուցիա ապրեց և վերանվանվեց Նիկոլիզմ, որը շատ վախենալու բան է. այն Հայաստանը և Արցախը բերեց այս իրավիճակին։ Մարդը, որը հաշվարկելու հնարավորություն ունի և կարողանում է մտածել երկու քայլ առաջ, հասկանում է, որ Նիկոլի հետ չի կարելի աշխատել։ Ես, երբ հեռանում էի, հայտարարություն արեցի, որ այդ մարդը մեր ժողովրդին տանում է կործանման, ինձ չլսեցին։ Պոպուլիզմի երկրորդ չափաբաժինը եկավ ու նաև սկսեց ինձ մեղադրել, որ ես Ռուսատանի լրտես եմ, մարդ եմ, որը կապված է ՀՀ նախկին իշխանությունների հետ։ Արդյունքում ես չկարողացա մարդկանց հասկացնել՝ ինչ է մեզ սպասվում»,- ասաց Վանեցյանը։
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Փրկարարները և ոստիկանները Փամբակ գետում շարունակում են որոնողական աշխատանքները
Հայ դպրոցականների հերթական հաջողությունը
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Ինչպիսի եղանակ է սպասվում այսօր
77 գլխատված մարդկանց գաղտնիքը․ հնագետները վերանայել են հին Եվրոպայի ամենասարսափելի բացահայտումներից ...